Majarstannyń Debretsen qalasynda halyqaralyq Ishtvan Bochkai týrniri márege jetti, dep habarlaidy "Ult aqparat".
Ulttyq olimpiada komiteti málim etkenindei, jarys qorytyndysynda qazaqstandyq úsh boksshy chempion atandy.
Sabyrhan Mahmýd 52 kelige deiingi salmaqta finalda úndistandyq Lalitha Prasada Polipallidi tize búktirdi.
Aibek Oralbai 91 kelige deiingi salmaqta taǵy bir úndistandyq Gaýrava Chaýhandy utty.
Áielder arasynda Rimma Volosenko reseilik Ekaterina Dynnikti jeńdi.
Al Talǵat Sháiken 69 kelige deiingi salmaqta sońǵy básekede frantsiialyq Vahid Hamblige jol berip, kúmis júldeni qanaǵat tutty.
Buǵan deiin Aidos Arapov (57 kg), Nurbek Oralbai (81 kg), Damir Toibai (+91 kg) jáne Marina Volnova (69 kg) qola júldeger atanǵan bolatyn.
Osylaisha Qazaqstan quramasy Majarstandaǵy týrnirde segiz júldege ie boldy.
Eske sala keteiik, budan buryn Majarstandaǵy týrnirde qazaqstandyq tórt boksshynyń finalǵa shyqqanyn jazǵan bolatynbyz.
