Qazaqstandyq balalar Áli men Ámir áigili fýtbol juldyzy Leonel Messimen kezdesti. Bul týraly búgin balanyń anasy Aqmaral Ámireeva óziniń Feisbýktaǵy paraqshasynda jazdy.
«Men Jaratqanǵa Áli men Ámirdiń armanyn oryndaǵany úshin alǵysymdy bildiremin. Áli armandady, Jaratqan onyń armanyn oryndady. Biz Qairat Boranbaev myrzaǵa osy saparǵa demeýshilik etkeni úshin alǵysymyzdy bildiremiz. Biz Barselona fýtbol klýbymen kóp ýaqyttan beri bailanysyp júrdik. Mundai kezdesýge qol jetkizý ońai emes edi, árine. Alaida, biz osyndai múmkindiktiń oraiy týǵanda ári qarai ne isterimizdi bilmei dal boldyq. Óitkeni ol jaqqa baryp, kelý men onda jatyn oryn jaldap turý biz úshin óte qymbat bolatyn. Osy kezde bizge kómekke Qairat Boranbaev myrza keldi. Álidi Barselonaǵa shaqyryp jatqanyn estigen ol bizdiń saparymyzdyń aqshasyn tólep berdi. Bizdiń Sizge alǵysymyz sheksiz, armandaryńyz oryndala bersin!», - dep jazdy balalardyń anasy.
Sondai-aq, Aqmaral Ámireevanyń aitýynsha, Barselonada Messi Álidi óte jyly qabyldaǵan. Sol sáttegi qýanysh pen shattyqqa toly kóńil-kúidi jetkizý múmkin emes. Osynshama joǵary deńgeidegi fýtbol juldyzy ózin óte qarapaiym ustady jáne Álige jyly shyrai tanytyp, udaiy qushaqtaýmen boldy», - dep jazdy Álidiń anasy.
Osy rette ol sapar barysynda qoldaý kórsetkeni úshin Qazaqstannyń Barselonadaǵy konsýldyq qyzmetkeri Rinat atty azamatqa da alǵysyn bildirdi.
«Ol óziniń jumysynyń tyǵyzdyǵyna qaramastan bizdi nazarynan tys qaldyrmady. Oǵan bizdiń alǵysymyz sheksiz», - deidi Álidiń anasy.
