Krasnoiarskide sýrrogat analardy izdeý jáne Qytaiǵa bala satý isi boiynsha qylmys jelisin ashty. Sýrrogat analardyń ishinde Qazaqstannyń 28 jastaǵy azamatshasy da bolǵan, - dep habarlaidy Tengrinews.kz saity inbusiness.kz portalyna silteme jasap.
Qazaqstandyq áiel óz balasyn Reseide satqany týraly biyl qysta habarlanǵan bolatyn. Áiel adamǵa Kambodja Koroldigi Pnompen qalasynda uryqtandyrýdyń meditsinalyq rásimi ótkizilgen. 2020 jyldyń sáýirinde ol Reseide balasyn týyp, ol úshin 13 myń dollar alǵan.
Endi qylmystyń mán-jaiy anyqtaldy. Tergeý basqarmasynyń málimetinshe, bala satý is boiynsha 10 kúdikti bar, onyń beseýi - sýrrogat ana.
Tergeý boljamy boiynsha alaiaqtar Resei men Qazaqstannan aqsha úshin sýrrogat ana atanýǵa daiyn áielderdi izdegen. Olar bala kótergennen keiingi meditsinalyq protsedýra Kambodjada júrgizilgen. Al balany Krasnoiarskide bosanǵan.
Balalar Qytaiǵa jiberilýi kerek bolǵan, alaida bul is koronavirýs pandemiiasyna bailanysty júzege aspai qalǵan. Búginde, tergeý málimetinshe, sýrrogat analar bosanǵan 19 bala bar.
