Búgin Úkimet otyrysynda QR Aýyl sharýashylyǵy ministri Erbol Qarashókeev jaiylymdar qudyq qazý jumystary týraly aitty, dep habarlaidy QazAqparat.
«Jaiylymdardy sýlandyrý maqsatynda 2014-2020 jyldar kezeńinde elimiz boiynsha 8 555 qudyq qazyldy, sonymen birge 11,9 mln gektar jaiylymdy sýlandyrýǵa múmkindik berdi. Memleket basshysynyń biylǵy 1 qyrkúiektegi Qazaqstan halqyna Joldaýynda aitylǵan tapsyrmasyna sáikes, jaiylymdardy sýlandyrý úshin qudyqtar qazý kezindegi shyǵyndardy óteý úlesin 50%-dan 80%-ǵa deiin arttyrý jumystary júrgizilýde», - dedi Erbol Qarashókeev.
Onyń aitýynsha, Ekologiia, geologiia jáne tabiǵi resýrstar ministrligi oblystar ákimdikterimen birlesip, jaiylymdyq alqaptardaǵy jer asty sýlarynyń qorlaryn rastaý jónindegi jumysty jandandyrýy qajet.
«Budan basqa, oblystar ákimdikteri qoldanystaǵy zańnama sheńberinde iesiz qudyqtardy túgendeý jáne anyqtaý jumystaryn júrgizip, keiinnen mal sýarýǵa arnalǵan pýnktterdi belgileýi kerek», - dedi ministr.
