Búgin Nurly jol vokzalynan karantin rejimi engizilgennen keiin ýaqytsha toqtap turǵan alǵashqy qalaaralyq poiyzdar qatynai bastady, dep habarlaidy QazAqparat.
«Búgin jolaýshylar poiyzy jumysyn bastady, osy arqyly biz vokzal men poiyzdarymyzdyń, sonymen qatar poiyz brigadasynyń jumysqa daiyn ekenin kórsetkimiz keldi», - dedi «Jolaýshylar tasymaly» AQ Bas direktorynyń operatsiialyq máseleler jónindegi orynbasary Iorg Besver.
Onyń aitýynsha poiyzdar kezeń boiynsha iske qosylady.
«Birinshi kezeńde biz 1 maýsymnan bastap 54 jup poiyzdy iske qosamyz. 10 maýsymnan ekinshi kezeń bastalady, iaǵni taǵy 36 jup poiyz qosylady. Sodan keiin ǵana, pandemiia jaǵdaiyn eskere otyryp, halyqaralyq 15 jup poiyzdy iske qosýdy josparlap otyrmyz», - dep atap ótti spiker.
Onyń aitýynsha, suranys joǵary bolǵandyqtan 500 vagon qosýǵa týra kelgen.
«Alǵashqy aptada biletke suranys óte joǵary boldy. Biz áýeli satylymǵa tek eń minimaldy kesteni shyǵardyq, sodan keiin satylýyna qarai vagondardy qosyp otyrdyq. Qazir menińshe, 15 mamyrda biletterdiń satylymy bastalǵaly shamamen qosymsha 560 vagon qosqan sekildimiz», - dep qorytyndylady I.Besver.
