Almaty qalasyndaǵy Shet tilder jáne iskerlik karera ýniversiteti bas litsenziiasynan aiyryldy. Bul týraly Bilim jáne ǵylym ministrligi habarlady.
Buǵan deiin QR BǴM joǵary oqý orny bas litsenziiasynan aiyrý aldynda turǵany týraly habarlaǵan bolatyn. Qaita tekserý qorytyndysy boiynsha tekserý paraǵynyń 46 tarmaǵynan 39 tarmaǵy boiynsha buzýshylyqtar anyqtaldy.
Ýniversitetke sáikessizdikterdi joiýǵa ýaqyt berildi. Alaida, joǵary oqý orny berilgen ýaqytty bilim berý qyzmetteriniń sapasyn jaqsartý úshin qajetti jumysty júrgizý máselesine emes, sot talqylaýyna jáne QR BǴM komitetiniń is-áreketterine shaǵymdanýǵa jumsady.
Nátijesinde Almaty qalasynyń Ákimshilik quqyq buzýshylyqtar jónindegi mamandandyrylǵan aýdanaralyq sotynyń sheshimimen joo bas litsenziiasynan aiyryldy.
Sondai-aq Almaty qalasynyń Ákimshilik quqyq buzýshylyqtar jónindegi mamandandyrylǵan aýdanaralyq sotynyń 2021 jylǵy 18 tamyzdaǵy sheshimimen joǵary oqý oryny nusqamany oryndamaǵany úshin ákimshilik jaýapkershilikke tartyldy.
«Biz joǵary oqý oryndaryna buzýshylyqtardy joiýǵa ýaqyt beremiz, alaida olar kemshiliktermen jumys júrgizbeidi. Osyǵan bailanysty keiinirek qatań sharalar qoldanýǵa týra keledi. Ýniversitetterdiń oqý jaǵdailaryn, bilim berý baǵdarlamalaryn jáne tutastai alǵanda, stýdentterdi belgili bir mamandyqtarǵa oqytýǵa degen kózqarasyn jaqsartýy úshin bul óte mańyzdy. Áitpese, joǵary oqý oryndary sapaly bilim emes, tek diplomdar beretin bolady. Mysaly, Shet tilder jáne iskerlik karera ýniversitetinde bilim berý sapasyn qamtamasyz etýdiń ishki júiesi qalyptaspaǵan. Bilim berý baǵdarlamalaryn, jeke oqý josparlaryn taldaý belgili bir pánder boiynsha kreditterdi igerýde úlken aiyrmashylyqtardy kórsetti. Tiisinshe, bilim alýshylar pánderdi tolyq kólemde meńgermeidi. Oqytý nátijeleri boiynsha stýdentterdiń 90%-y shekti deńgeiden óte almady», – dep atap ótti QR BǴM Bilim jáne ǵylym salasynda sapany qamtamasyz etý komitetiniń tóraiymy Gúlzat Kóbenova.
Zańnamaǵa sáikes, litsenziiadan aiyrylǵan jaǵdaida bilim alýshylar semestrdiń aiaqtalýyn kútpei-aq basqa ýniversitetterge aýysa alady. Stýdentter men ata-analardy jáne jumys berýshilerdi joǵary oqý oryndary kórsetetin bilim berý qyzmetteriniń sapasyna nazar aýdarýǵa shaqyramyz.
