Eńbek jáne halyqty áleýmettik qorǵaý ministrligi 1 qazandaǵy jaǵdai boiynsha Qazaqstandaǵy zeinetaqy tólemderiniń ortasha mólsherin atady, - dep habarlaidy "Ult aqparat" vedomstvo saityna silteme jasap.
2021 jylǵy qańtardan qyrkúiekke deiin respýblikalyq biýdjetten bazalyq zeinetaqy tóleýge shamamen 614,9 milliard teńge, yntymaqty zeinetaqyǵa - 1 trillion 390,1 milliard teńge jumsalǵan.
Al, 2021 jyldyń qyrkúiek aiynda respýblikalyq biýdjetten zeinetaqy tólemderine 221,2 mlrd teńge, onyń ishinde bazalyq zeinetaqy tóleýge – 67,9 mlrd teńge, yntymaqty zeinetaqy tóleýge – 153,3 mlrd teńge bólingen.
"2021 jylǵy 1 qazandaǵy jaǵdai boiynsha zeinetkerler sany 2 mln 229 myń adamdy quraidy. 2021 jyly 1 qazanda zeinetaqy tólemderiniń ortasha mólsheri (bazalyq zeinetaqy tólemin eskere otyryp) 99 887 teńgege jetti", - delingen habarlamada.
