Foto: kstnews.kz
Oqý-aǵartý ministrligi oqýshylardyń qaýipsizdigine qatysty buiryqty kópshiliktiń talqylaýyna shyǵardy. Bul týraly "Ashyq" NQA portalynda jariialandy. Onda endi oqýshy mektepten tys jerlerde júrse, jaýapkershilik ata-ana men ózge de zańdy ókilderge júkteletini aitylady, - dep habarlaidy Tengrinews.kz saity.
"Bilim alýshylar bilim berý uiymynan tys bolǵan kezde bilim alýshylardyń ómiri men qaýipsizdigi úshin ata-analary nemese ózge de zańdy ókilderi jaýapty bolady. Bilim berý uiymynda oqý-tárbie protsesin jáne bilim berý uiymynan tys jerde ótkiziletin oqý-tárbie is-sharalaryn ótkizý kezinde bilim alýshylardyń ómiri men qaýipsizdigi úshin jaýapkershilik bilim berý uiymy basshysynyń buiryǵyna sáikes pedagogterge júkteledi", - delingen ózgeriste.
Sonymen qatar, oqýshy sabaq ústinde tártipsizdik jasasa, ony synyptan shyǵaryp jiberýge ruqsat etilmeitini aitylǵan. Iaǵni bilim alýshy teris qylyqtar jasaǵan, mekteptiń ishki tártip qaǵidalary talaptaryn buzǵan kezde ony sabaqtardan shettetýge, sondai-aq, ata-anasynyń nemese ózge de zańdy ókilderiniń qasynda erip júrýinsiz bilim berý uiymynan shyǵarýǵa jol berilmeidi.
Aita keteiik, buiryq alǵashqy resmi jariialanǵan kúninen keiin kúntizbelik on kún ótken soń qoldanysqa engiziledi. Sonymen qatar, 28 naýryzǵa deiin kópshiliktiń jariia talqylaýynda bolady.
