Ótken táýlikte 6314 adamnyń koronavirýs juqtyrǵany laboratoriiada dáleldengen. Bul aqparatty Qazaqstan densaýlyq saqtaý minstrligi taratty.
Koronavirýs juqtyrǵandardyń kóptigi jaǵynan 1615 adammen Almaty qalasy alda tur. Sondai-aq, Qaraǵandy oblysy (913) men Nur-Sultan qalasy da (650) alǵashqy oryndarda.
Resmi málimetke qaraǵanda, Qazaqstanda barlyǵy 743 220 adamnyń koronavirýs juqtyrǵany dáleldengen.
21 tamyz, senbide Qazaqstanda COVID-19-dan 113 adam, "kovid tárizdi" pnevmoniiadan 24 adam qaitys bolǵan.
Qazaqstanda koronavirýs juqtyrǵandar men odan ólgender resmi statistikadan áldeqaida kóp dep sanaityndar bar.
Keiingi aptada táýligine jeti myńnan astam adam koronavirýs juqtyryp jatyr. Densaýlyq saqtaý ministrligi muny tez juǵyp, jyldam taralatyn delta-shtamnan jáne halyqtyń qaýipsizdikti saqtamaýy, maska taqpaýynan kóredi.
Densaýlyq saqtaý ministrliginiń málimetine qaraǵanda, qazir Qazaqstanda 124 871 adam koronavirýstan emdelip jatyr. Olardyń ishinde 30 197 patsient statsionarda, 94 674 naýqas ambýlatoriialyq deńgeide em qabyldap júr.
KVI+, KVI- shaldyqqandardyń arasynda: 1 944 adamnyń jaǵdaiy aýyr, 518 patsienttiń jaǵdaiy óte aýyr, 312 naýqas ÓJJ apparatynda jatyr.
Djons Hopkins ýniversitetiniń maǵlumaty boiynsha, álemde 211 million adam koronavirýspen aýyryp, 4,4 million adam qaitys bolǵan.
Sondai-aq, 23 tamyzdaǵy málimet boiynsha 124 871 adam koronavirýs infektsiiasynan (118 989 KVI+ jáne 5 2021 jylǵy 23 tamyzdaǵy málimet boiynsha Qazaqstanda I komponentpen - 6 369 263, II komponentpen 5 013 064 adam vaktsina saldyrǵan.
