Qazaqstan esirtki qoldanatyn adamdar arasynda AITV taralýyn 2016 jyly 5%-8%-ǵa, 2018 jyly 7-9%-ǵa qysqartty. Bul týraly Ortalyq kommýnikatsiialar qyzmetinde ótken onlain brifingte Ortalyq Aziiadaǵy IýNEIDS keńsesi direktorynyń mindetin atqarýshy Gabriella Ionashký aitty, dep habarlaidy QazAqparat.
«Epidemiia bastalǵan kezde AITV infektsiiasy men JITS kóptegen adamǵa ajal qushtyrdy. Bul turǵydan alyp qaraǵanda JITS pen koronavirýs uqsaidy. Bastapqy kezde JITS týraly aqparat az edi jáne ony emdeý jolyn eshkim bilmedi. Sonyń saldarynan oǵan qatysty qaýeset, stigma men diskriminatsiia kóp boldy. 2020 jyly barlyq nazar koronavirýs infektsiiasynda, onyń adam ómirine qalai áser etetindigine aýdy. Bul pandemiia densaýlyq salasy qanshalyqty mańyzdy ekenin uqtyrdy. Qazirgi ýaqytta meditsina salasy damyp ketken. AITV infektsiia bar adam ýaqytyly em ala alady jáne sonyń arqasynda el qatarly ómir súre alady. Qazaqstanda da sondai em qoldanylady», - deidi Ortalyq Aziiadaǵy IýNEIDS keńsesi direktorynyń mindetin atqarýshy Gabriella Ionashký.
Onyń aitýynsha, ókinishke qarai, adamdardyń kóbi AITV juqtyrǵanyn kesh bilip jatady.
«Qazaqstan memleket qarajaty esebinen emge qatysty dári-dármek pen testti tegin alady. Qazaqstanda AITV infektsiiasynyń profilaktikasy boiynsha mańyzdy qadamdar jasalýda. Sonyń arqasynda Qazaqstan esirtki qoldanatyn adamdar arasynda AITV-tiń taralyýyn 2016 jyly 5%-8%-ǵa, 2018 jyly 7-9%-ǵa qysqartty. Qazaqstanda jyl saiyn halyqtyń 13%-y AITV testinen ótedi. Degenmen, adamdar óz densaýlyǵyna jaýapkershilikti óz moiyndaryna almasa – eshqandai shara aýrýdan saqtap qala almaidy», - deidi ol.
