Sanitariialyq-epidemiologiialyq baqylaý komiteti JRVI jáne tumaý maýsymy bastalatyndyǵyn habarlady.
Bul týraly sanitariialyq - epidemiologiialyq baqylaý komitetiniń Telegram kanalynan málim boldy.
DSU málimetteri boiynsha, biyl virýstyń úsh shtamy ózekti bolady - A (H1N1), A (H3N2) jáne B. Eldegi koronavirýspen bailanysty jaǵdai áli de bolsa kúrdeli, kúzgi kezeńde aǵzany ózge de respiratorlyq infektsiialardan qorǵaý qajet. Aita ketý kerek, Úkimet shtamdyq boljamdy eskere otyryp, azamattardy maýsymdyq virýstardan qorǵaý úshin aldyn-ala tumaýǵa qarsy vaktsinalarmen qamtamasyz etýde.
Tumaýǵa qarsy vaktsinatsiia 15 qyrkúiekte bastaldy. Memleket Reseide óndirilgen «GRIPPOL +» preparatynyń 2,5 mln. dozasyn satyp aldy. Tegin vaktsinatsiia aiasynda halyqtyń eń osal toptary - meditsina qyzmetkerleri, balalar, dispanserlik esepte turǵan patsientter, balalar úileriniń, internattardyń, sábiler úileriniń tárbielenýshileri jáne epidemiologiialyq kórsetkishter boiynsha vaktsinatsiialaýǵa jatatyn azamattar osy preparatpen egiledi.
«GRIPPOL +» preparatynan basqa Qazaqstanda tumaýǵa qarsy kelesidei vaktsinalar tirkelip, qoldanýǵa ruqsat etilgen: Sanofi-Paster (Frantsiia) óndirgen «Vaksigrip Tetra», Infliývak (Niderlandy), Sinovak Biotek (Qytai) óndirgen tumaýǵa qarsy vaktsina.
Immýndaý tek aqysyz negizde ǵana emes, jumys berýshilerdiń, sondai-aq halyqtyń qarajaty esebinen de aqyly túrde júrgiziletin bolady. Tumaýǵa qarsy aqyly vaktsinatsiia jeke meditsinalyq ortalyqtarda, turǵylyqty jeri boiynsha ýákiletti organnyń ruqsaty bar emhanalardyń egý kabinetterinde júrgiziledi.
Tumaýǵa qarsy vaktsinatsiia júrgizetin meditsinalyq mekemelerdiń meken-jailaryn turǵylyqty jeri boiynsha aýmaqtyq sanitariialyq-epidemiologiialyq baqylaý departamentterinen jáne densaýlyq saqtaý basqarmalarynan bilýge bolady.
