Foto:elements.envato.com
Qorǵanys ministriniń orynbasary Sultan Kamaletdinov Qazaqstanda jeke áskeri kompaniialar paida bolýy múmkin be degen suraqqa jaýap berdi, - dep habarlaidy Tengrinews.kz saity.
Onyń aitýynsha, Qazaqstanda ony qurýdyń zańdyq bazasy joq.
"Memleket óz eliniń qaýipsizdigin qamtamasyz etýge arnalǵan qarýly kúshterdi, basqa da áskerlerdi, áskeri quramalardy ustaidy. Al Konstitýtsiiada qaýipsizdikti qamtamasyz etetin basqa qurylymdar joq", - dedi Kamaletdinov Senat otyrysy kýlýarynda jýrnalisterdiń suraqtaryna jaýap berip.
Jeke áskeri kompaniia - bul bireýdi jáne bir nárseni kúzetý, qorǵaýǵa (qorǵanys), kóbinese áskeri qaqtyǵystarǵa qatysýǵa, sondai-aq barlaý aqparatyn jinaýǵa, strategiialyq josparlaýǵa, logistikaǵa jáne keńes berýge bailanysty mamandandyrylǵan qyzmetterdi usynatyn kommertsiialyq kásiporyn.
