QR Densaýlyq saqtaý ministri Aleksei Tsoi Azattyq Rýhy portalyna bergen suhbatynda aldaǵy Jańa jyl merekesin kópshilikpen toilaý múmkindigi týraly pikir bildirdi, dep habarlaidy QazAqparat.
«Dál qazir aimaqtyń epidemiologiialyq mártebesine qarai shekteýler bar. Biz búginde túrli sharalardy ashýǵa ruqsat berdik. Ol úshin azamattardyń «jasyl» mártebesi bolýy kerek. Shara ótetin mekemelerdiń ujymyn da, sharaǵa qatysýshy azamattardy da qorǵaý úshin osyndai shart qoiylyp otyr. Bizdiń mindetimiz – áleýmettik bailanystardy da, ekonomikany da kezeń-kezeńmen ashý jáne keńeitý. Sondyqtan, Ashyq júiesi arqyly jolǵa qoiylǵan tetik bar. Osy boiynsha birtindep shekteý sharalaryn jeńildete berýdi josparlap otyrmyz», - degen ministr Jańa jyl qarsańyndaǵy korporativtik keshterdi ótkizýge teoriialyq turǵyda múmkindik bar ekenin atady.
«Teoriialyq turǵyda bul – múmkin. Qazir 50 adamǵa deiin qoǵamdyq jiyndar men sharalar ótkizýge ruqsat berilip otyr. Iaǵni, qazirdiń ózinde ol múmkin», - dep jaýap berdi ol jýrnalist saýalyna.
