Qyrkúiekte 10 mln adamdy ekpemen qamtý týraly jospar nege 7 mln adamǵa ǵana oryndaldy? QR Densaýlyq saqtaý ministri Aleksei Tsoiǵa Ortalyq kommýnikatsiialar qyzmetinde osyndai suraq qoiyldy, dep habarlaidy QazAqparat.
«Birinshi kezekte, Qazaqstan naryǵynda vaktsinalardyń qoljetimdilik máselesi bar. Ózderińiz bilesizder, kóptegen elder óz qajettilikterin málimdei bastady. Biz kólemdi kezeń-kezeńimen ulǵaityp otyrdyq. Qazir biz sol esebimizdiń jaǵdaiǵa sáikes kelgenin kórip otyrmyz. Jazda bizde vaktsinalaý qarqyny belgili bir mólsherde tómendedi. Endi kúzde qaita artatynyn kútip otyrmyz. Adamdar demalystan oraldy, endi koronavirýs bar ekenine kúmándanbaidy, vaktsinanyń tiimdi ekenine kóz jetkizdi. Biz vaktsina almaǵan azamattardyń basym kópshiligi aýyryp jatqanyn kórip otyrmyz», - degen ministr qazirgi qarqyn kóńilge qonymdy ekenin atady.
«Qazir 7,7 mln azamattyń senim artyp, vaktsina alǵanyn kórip otyrmyz. Bizde eresek turǵyndardan vaktsina almaǵan 4 million adam qaldy. Jalpy, eresekterdiń basym bóligi ekpe aldy. Izrailge, Ulybritaniiaǵa qarańyz. Alǵashqy ailarda vaktsinatsiia qaýyrt júrdi. Qazir ol jaqta da vaktsina alýshylardyń qarqyny báseń. Iaǵni, aldymen suranys artyp, keiin bir qalypty ekpinmen jalǵasyp jatyr. Qazirgi qarqynymyzdy túsirmesek, vaktsinatsiianyń qarqyny jaqsy ekenin kórip otyrmyz», - dep túsindirdi Aleksei Tsoi.
Onyń aitýynsha, vaktsinaǵa alǵashynda kúmánmen qaraý álem elderiniń bárinde bolǵan.
«Jalpy, koronavirýs infektsiiasynyń ózi jańa infektsiia. Sondyqtan bári oǵan saqtyqpen qaraidy. Qazir vaktsinatsiia jaqsy qarqynmen júrip jatqanyn kórip otyrmyz. Bul, innovatsiiaǵa qalypty reaktsiia. Adam bizdiń elde ǵana emes, búkil álemde de osylai áreket etedi. Bul - qalypty jaǵdai», - dedi vedomsto basshysy.
