QR Premer-Ministriniń orynbasary Eraly Toǵjanovtyń tóraǵalyǵymen QR aýmaǵynda koronavirýstyq infektsiianyń taralýyna jol bermeý jónindegi vedomstvoaralyq komissiianyń (VAK) otyrysy ótti, onda vaktsinatsiialaý boiynsha júrgiziletin reidterdiń Algoritmi maquldandy.
Bul týraly COVID-19 taralýyna jol bermeý jónindegi vedomstvoaralyq komissiianyń Telegram kanaly habarlady.
Algoritm Densaýlyq saqtaý ministrligi, múddeli memlekettik organdar jáne «Atameken» UKP-men ázirlendi.
Reid barysynda monitoringtik top buryn anyqtalǵan buzýshylyqtardan bólek, kásiporyn qyzmetkerleriniń COVID-19 virýsyna qarsy ekpeniń birinshi komponentin saldyrǵan-saldyrmaǵanyn tekseredi.
Qyzmetkerler sany 50 adamnan asatyn jáne ujymdaǵy adamdardyń 60%-dan azy COVID-19 vaktsinasynyń birinshi komponenti saldyrǵan kásiporyndardyń tizimi jobalyq keńseniń Vaktsinatsiia kartasy negizinde jasalady.
MT reidin tirkeý tártibi InfoKazakhstan elektrondyq platformasynda júzege asyrylady.
MT obektige shyǵý kezinde jumys berýshi vaktsina alǵan jáne vaktsinatsiialaýdan bosatý týraly qujattary bar qyzmetkerlerdi (7 kúnnen aspaityn merzimdegi PTR-zertteýler, turaqty/ýaqytsha meditsinalyq qarsy kórsetkishter nemese saýyqqannan keiin 3 ai ishinde COVID-19 aýyryp jazylǵan adamdar) kórsete otyryp, tolyq tizim (aty-jóni, JSN) usynady.
MT iriktemeli túrde (qyzmetkerler sany 50-den 200 adamǵa deiin – qyzmetkerlerdiń keminde 10%-y, 201-den 500-ge deiin-keminde 5%, 501-den 1000-ǵa deiin-keminde 3%, 1000-nan joǵary-keminde 1%) «ASHYQ» qosymshasy arqyly qyzmetkerlerdiń mártebesin tekseredi jáne jumys berýshi usynǵan qyzmetkerler tizimimen salystyryp tekseredi.
«Jasyldan» basqa mártebesi bar qyzmetkerler anyqtalǵan jaǵdaida, onyń vaktsinatsiiasyz jumys ornynda bolý quqyǵyn beretin aqpara (anyqtama) suratylady (merzimi 7 kúnnen aspaityn PTR-testileý nátijesi, turaqty/ýaqytsha meditsinalyq qarsy kórsetkishter nemese saýyqqannan keiin 3 ai ishinde COVID-19 indetinen jazylǵan adamdar).
Vaktsinatsiia tártibiniń buzylǵany rastalǵan jaǵdaida MT naqty osy tulǵalardy kórsete otyryp materialdar qalyptastyrady jáne keiinnen sheshim qabyldaý úshin SES organdaryna jiberedi. Kásiporynǵa (basshyǵa ne ózge ýákiletti tulǵaǵa) vaktsinatsiialanbaǵan jumyskerlerdi qyzmet obektisine jiberýdi shekteý qajettiligi túsindiriledi.
Sanitariialyq-epidemiologiialyq qyzmet organdary MT-tan kelip túsken materialdardyń negizinde obektige sanitariialyq-epidemiiaǵa qarsy jáne sanitariialyq-profilaktikalyq is-sharalar júrgizý týraly Qaýly beredi (joldaidy).
MT Qaýlyda belgilengen merzim ishinde qyzmetkerlerdi jumys oryndaryna negizsiz jiberý faktilerin qaita anyqtaǵan kezde jumys berýshini QR ÁQBtK sáikes ákimshilik jaýapkershilikke tartý týraly másele qaralady.
Jergilikti atqarýshy organdar obektilerge ákimshilik sharalardy qoldaný nátijeleri boiynsha obektiniń «Ashyq» jobasyna qatysýyn toqtata turady.
