5 mln-nan astam qazaqstandyq koronavirýsqa qarsy vaktsina aldy. Bul týraly QR DSM Qoǵamdyq densaýlyq saqtaý ulttyq ortalyǵy basqarmasy tóraǵasynyń orynbasary Ainagúl Qýatbaeva aitty, dep habarlaidy QazAqparat.
«Osy jyldyń 1 aqpanynan bastap Qazaqstanda halyqty koronavirýs infektsiiasyna qarsy jappai vaktsinalaý engizildi. Jalpy, 9 mln-nan astam adamdy vaktsinatsiialaý josparlanǵan. 2 qyrkúiektegi málimetke sáikes, vaktsinanyń 1-komponentimen 6 748 762 adam qamtyldy. Bul halyqtyń vaktsinalanýy tiis kontingentiniń 67,7 paiyzyn quraidy. Búginde 2-komponentti 5 559 692 adam, iaǵni 55,8 paiyzy aldy», - dedi ol «Joldaý 2021: iske asyrý joldary» taqyrybyna arnalǵan dóńgelek ústel otyrysy barysynda.
Onyń atap ótýinshe, qazirgi ýaqytta elimizde vaktsinanyń 3-ten 5-ke deiingi túriniń 1-dozasy qol jetimdi. Vaktsina túri óńirlerge bailanysty azaiyp ne kóbeiip otyrady.
«Óńirlerdegi halyqtyń belsendiligi ártúrli. Qalalarda joǵary belsendilik baiqalady. Halyqtyń qulaǵdar bolýyn ulǵaitý, meditsina qyzmetkerleri saýatty ári durys túsindirýi úshin jumystar keshendi túrde belsendi júrgizilýde. Densaýlyq saqtaý basqarmalary, Sanitarlyq-epidemiologiialyq baqylaý komitetiniń aýmaqtyq departamentteri tarapynan meditsina qyzmetkerlerin oqytý turaqty júrgiziledi», - dedi Ainagúl Qýatbaeva.
