Qazaqstanda úi janýarlaryn mindetti esepke alý engiziledi. Bul týraly QR Ekologiia, geologiia jáne tabiǵi resýrstar vitse-ministri Áliia Shalabekova aitty, dep habarlaidy QazAqparat.
«Zań jobasy (Janýarlarǵa jaýapkershilikpen qaraý týraly» zań jobasyn) úi janýarlary ieleriniń qarajaty esebinen aqyly negizde esepke alý quralyn qoldaný arqyly úi janýarlaryn mindetti esepke alýdy engizedi. Ony josparly iske asyrý jáne úi janýarlaryn esepke alýdy júzege asyratyn uiymdarǵa, sondai-aq olardyń ielerine birjolǵy jappai júktemeni boldyrmaý maqsatynda zań jobasynda úi janýarlaryn mindetti esepke alýdy keiinge qaldyrý normasy kózdelgen. Úi janýarlaryn mindetti esepke alý 2023 jylǵy 1 qyrkúiekten bastap engiziledi», - dedi vitse-ministr Ortalyq kommýnikatsiialar qyzmetindegi baspasóz máslihatynda.
Onyń atap ótýinshe, janýarlardy ustaý salasynda «qoǵamdyq inspektorlar» uǵymyn engizý de usynylady. Al janýarlarǵa qaraý salasynda qoǵamdyq baqylaý júrgizýdiń neǵurlym egjei-tegjeili tártibin ýákiletti organ aiqyndaidy.
«Jergilikti atqarýshy organdarǵa janýarlarǵa arnalǵan panajailardyń qyzmetin aqparattyq qamtamasyz etýdi, janýarlardy ielerine berýge, joǵalǵan janýarlardyń ielerin izdestirýge jáne úi janýarlaryn biosterilizatsiialaý qajettiligi týraly habardar etýge baǵyttalǵan áleýmettik jarnamany uiymdastyrý quzyret beriledi», - dedi ol.
