Qazaqstanda joǵary oqý oryndary rektorlarynyń reitingi engiziledi. Bul týraly «Bilim jáne ǵylym – eldiń turaqty damýynyń kepili» taqyrybyndaǵy pedagogterdiń Respýblikalyq tamyz konferentsiiasynyń plenarlyq sessiiasynda QR Bilim jáne ǵylym ministri Ashat Aimaǵambetov málim etti, dep habarlaidy QazAqparat.
«Biyl qyrkúiek aiynan bastap joǵary oqý oryndary rektorlarynyń reitingin engizemiz. Bul óz kezeginde tetik bolady. Osy reiting qorytyndysy boiynsha kadrlyq ári uiymdastyrýshylyq sheshimderdi qabyldaimyz», - dedi Ashat Aimaǵambetov.
Bul turǵyda ministr Qazaqstandaǵy joǵary oqý oryndarynyń básekege qabiletti bolýy mańyzdy ekenin atap ótti.
«Osy oraida jetistikter ýniversitetterdiń birinshi basshylaryna da bailanysty. Sondyqtan bul másele biz úshin óte mańyzdy», - dedi ol.
