Qazaqstan ekologiialyq týrizmnen bastap iskerlik týrizmge deiin týrizmniń barlyq túrleriniń damýy úshin eleýli áleýetke ie. Buǵan halqymyzdyń bai tarihy men elimizdiń aýmaǵynda saqtalyp qalǵan tarihi eskertkishter men arheologiialyq oryndardyń jiyny úlken múmkindik týǵyzady. Erekshe geografiialyq jaǵdaidyń arqasynda Qazaqstannan adam aiaǵy baspaǵan tabiǵattyń ǵajaiyp buryshtaryn tabýǵa bolady. Bul týristtik infraqurylym damýynyń, vizalyq rejimniń únemi jetildirilip otyrýynyń jáne basqa da jaǵdailardyń negizinde júzege asady.
Qazaqstanda búgingi kúni týrizmniń kelesi túrleri jetilip keledi:
Mádeni-tanymdyq týrizm
Arheologiia, tarih jáne sáýlet eskertkishteriniń kólemi boiynsha Qazaqstan naǵyz «ashyq aspan astyndaǵy murajai» bolyp sanalady. Týrister Uly Jibek joly boiyndaǵy kóne qalalarǵa baryp, qola dáýirindegi Tamǵaly petrogliftaryn nemese áigili Mańǵystaý qorymdaryn kóre alady.
Qazaqstannyń zamanaýi ómirimen Astana, Almaty, Shymkent, Óskemen jáne Aqtaý qalalarynda tanysý qolailyraq bolady, sebebi týristik infrastrýktýra kez-kelgen talǵam men biýdjetke qarai qyzmetterdi usynady.
Ekologiialyq týrizm
Is júzinde tabiǵaty búlinbegen túrde saqtalǵan aýmaqtyń sany men ár túrliligi Qazaqstandy ekologiialyq týrizm áýesqoilary úshin erekshe qyzyqtyratyn bolady. Qazaqstan aýmaǵynda 12 ulttyq tabiǵi park jáne 10 qoryq bar.
Qazaqstan óziniń ólshemderi men geografiialyq ornalasýynyń arqasynda ádette týrister bólek memleketterdiń tolyq qatarynda «qamdastyrýy» qajet tabiǵi zonalarǵa barý múmkindigin usynady.
Ol - IýNESKO Dúniejúzilik mura tizimine engen Ortalyq Qazaqstan dalalary men kólderi. Ol - landshaftar, flora men faýnanyń ár túrliligi boiynsha Alpy aýdanymen ońai teńese alatyn shyǵys pen ońtústik-shyǵystyń taý bókterleri men taýlary. Ol - Kaspii teńiziniń jaǵalaýy – álemdegi iri tuiyq sý aidyny. Ol - fototýrizmniń eń synalǵan áýesqoilaryn qyzyqtyra alatyn Qazaqstannyń ońtústik-batys qula dalalary, ol - eldiń soltústiginde ornalasqan Býrabai kóliniń ainalasyndaǵy ormandar jáne taǵy basqalary.
Ekotýrizm qyzyǵýshylary úshin Qazaqstannyń týristik kompaniialarymen shamamen myńdaǵan ár túrli marshrýttar óńdelgen, onyń ishine tabiǵi nysandarǵa jii barýmen qatar, sondai-aq qazaqtar-kóshpendilerdiń ejelgi turmystarymen tanysý da kiredi.
Sporttyq týrizm
Qazaqstan kelesidei baǵyttar boiynsha sporttyq týrizm úshin keremet jaǵdailar usynady: taý shańǵy týrizmi, alpinizm, sý týrizmi, at týrizmi, velotýrizm jáne taǵy basqalary.
Qazaqstan tabiǵaty sporttyń kóptegen túrlerimen ainalysý úshin erekshe marshrýttar men jaǵdailardy usynady, onyń ishinde ekstremaldysy da bar, al el ókimeti, óz kezeginde, laiyqty infrastrýktýrany qamtamasyz etý úshin óz kúshin jumsaidy. Mysalǵa alsaq, Shymbulaq taý shańǵy shipajai trassalary álem boiynsha eń kúshtiler qataryna kiredi.
Saýyqtyrý týrizmi
Qazaqstan - emdik-saýyqtyrý týrizmi úshin keremet laiyqty jer. Onyń ereksheligi emdik tabiǵi resýrstardy belsendi qoldanýynda: ystyq bulaqtar, emdik qasieti bar batpaqtar, em bolatyn klimat. Qazaqstanda qymyz terapiiasy, mineraldy sýlardy paidalaný men pantoemdeý qoldanylady. Sonymen birge zamanaýi qurylǵylarmen jabdyqtalǵan shipajailar mundai emdeýdiń «tabiǵi bazalardyń» týra qasynda ornalasqan.
Óz densaýlyǵyn jaqsartqysy kelýmen qatar, jai ǵana demalyp, kúsh jinaǵysy keletinder úshin Qazaqstanda kóptegen demalý úileri salynǵan. Olar Alakól kóliniń jaǵalaýy, Býrabai men Baianaýyl shipajailyq zonalary, Kaspii teńiziniń jaǵalaýy, Ile Alataýy men Jońǵar Alataýynyń taý bókterleri jáne t.b. siiaqty ádemi jáne ekologiialyq taza jerlerde ornalasqan.
Dini týrizm
Dini týrizm Qazaqstanda kóbinese musylmandyq dini nysandarǵa barýmen bailanysty. Munda islam jolyn qýýshylar áigili din negizin qalaýshylardyń meshitteri, keseneleri, molalary men qabirlerine bara alady. Mysaly, Qoja Ahmet Iassaýi jáne Arystan bab keseneleri, Shaqpaq-Ata men Beket-Ata jer asty meshitteri jáne taǵy basqalary.
Qazaqstannyń zamanaýi dini qurylystary qajylyqqa baratyn adamdardy da qyzyqtyrmai qoimaidy. Mundaǵy Astana qalasynyń marjany «Qazaq eli» basty alańynda ornalasqan «Qaziret Sultan» meshiti bolyp sanalady.
Islam meshitterimen qatar, Qazaqstanda Voznesenskii kafedraly sobory, Ýspenskii kafedraly sobory, Sviato-Troitskii ǵibadathanasy, Voskresenskii sobory (Semei q.) siiaqty keremet pravoslavie shirkeýlerdiń birazy bar.
Eldiń ońtústik-shyǵysy men Altaida Qazaqstan aýmaǵyndaǵy býddizmnyń bolý tarihyn aiqyndaityn nysandar qatary bar.
Iskerlik týrizm
Iskerlik týrizm jyl saiyn qonaqtardyń kóbisin Qazaqstannyń iri qalalaryna baýraidy. Ol, birinshi kezekte, Astana, Almaty jáne Atyraý. Munda sheteldik biznes-týristerdiń áserli sanyn elge tartatyn túrli-túrli aimaqtyq jáne halyqaralyq konferentsiialar, sammitter, simpoziýmdar jiirek ótkiziledi.
Týrizmniń bul túrin damytý úshin el qalalarynda ylǵi týristerdiń ár túrli toptaryna qarai yńǵailandyrylǵan meimanhanalar salynyp turady: ol eń áigili álemdik qonaq úi jelileriniń bes juldyz memanhanalary jáne jaily shaǵyn qonaq úileri, sonymen birge hosteldar.
