Elimizde turǵyn úi baǵdarlamasyna qatysty tabys koeffitsienti ózgerýi múmkin. Bul týraly «Otbasy banki» AQ basqarma tóraǵasy Lázzat Ibragimova málim etti, dep QazAqparat.
Atalǵan bank basshysy Baigenews.kz aqparat agenttigi jobasynyń keshki tikelei efirine qatysty. Áńgime qazaqstandyqtardy turǵyn úimen qamtý máselesine arnaldy.
Suhbat barysynda qonaqqa «Nurly jer» jáne «Shańyraq 5-10-20» memlekettik baǵdarlamalary boiynsha turǵyn úi satyp alýǵa eń tómengi kúnkóris deńgeiiniń 3,7 bolyp belgilengen koeffitsient kedergi bolyp otyr, osy oraida shartty qaita qaraý máselesi qaralyp jatqan joq pa degen saýal qoiyldy.
«Bul zań osydan 25 jyl qabyldanǵan bolýy kerek. Ol kezde kommertsiialyq kompaniia qyzmetkerleriniń tabysy joǵary boldy. Qazir jaǵdaida basqasha. Búginde memlekettik men biýdjet qyzmetkerleriniń tabys kólemi turaqty, biraq joǵary emes», - dep jaýap berdi Lázzat Ibragimova.
Onyń aitýynsha, atalǵan turǵyn úi baǵdarlamasyna qatysýshylardyń tabys kólemine qatysty shekteý bar.
«Eger úi kezeginde turǵan memlekettik qyzmetker kelip, mysaly, men departament basshysymyn tabysym 500 myń teńge, áielimniń tabysy 400 myń teńge jáne 2 balamyz bar dese. Árine, ol kisiniń ótinishi qanaǵattandyrylmaidy. Óitkeni otbasylyq tabys 1 mln-ǵa jýyqtap tur. Sol úshinde eń tómengi kúnkóris deńgeii 3,7 koeffitsientimen belgilendi. Bul shart 2 jyldan astam saqtalyp keledi. Biz qazir eń tómengi kúnkóris deńgeiin 3,7-den 6 koeffitsientke deiin arttyrýdy qarastyryp jatyrmyz», - deidi ol.
