Qazaqstanda 9 aida 341 854 bala dúniege keldi, dep habarlaidy Densaýlyq saqtaý ministrligi.
Vedomstvonyń málimdeýinshe, balalardyń densaýlyǵyn qorǵaý - memlekettik saiasattyń basym baǵytynyń biri, ol «Salaýatty ult «Árbir azamat úshin sapaly jáne qoljetimdi densaýlyq saqtaý» ulttyq jobasynda kórinis tapqan.
«Bizdiń elimizde bala týýdyń oń dinamikasy baiqalady. Jedel derekterge sáikes respýblikada 2021 jyldyń 9 aiynda 341 854 bala dúniege keldi, bul ótken jyldyń uqsas kezeńinde týylǵanǵa qaraǵanda 21 552 balaǵa kóp», delingen habarlamada.
Memleket balalardyń densaýlyq jaǵdaiyn jaqsartý jáne sábi ólimin azaitý úshin júieli sharalardy qolǵa alǵan.
Ministrliktiń málimdeýinshe, aýrýlar men damý kemshiligin ýaqtyly anyqtaý úshin 3,2 mln bala profilaktikalyq tekserýden ótken.
«Balany kishkene kezinen kútý máselesi boiynsha keńes berý úshin 600-den astam balany damytý kabineti uiymdastyryldy. Aldyn alý úshin erte skrining júrgiziledi. Júktilik kezinde qursaqishilik uryqtyń prenataldy skriningi, týa bitken gipotireozdy jáne fenilketonýriiany anyqtaý úshin neonataldy skrining júrgiziledi.
Jańa týǵan nárestelerdegi retinopatiiany anyqtaý úshin oftalmologiialyq skrining, aýdiologiialyq skrining jáne erte jastaǵy balalardyń psihofizikalyq damý skriningi engizildi», delingen habarlamada.
Sondai-aq,17 jasqa deiingi balalardy jyl saiyn profilaktikalyq tekserý júrgiziledi.
DDU usynǵan tiimdi perinataldyq tehnologiialardy, reanimatsiianyń zamanaýi ádisin iske asyrýdyń arqasynda shala týǵan balalardyń ómir súrý deńgeii 80%-ǵa deiin artty. Jańa tehnologiialar men zamanaýi diagnostikalyq jáne emdik apparatýralardy, ókpe tininiń jetilýine arnalǵan dárilik zattardy paidalana otyryp, jańa týǵan nárestelerdi reanimatsiialaý jáne qarqyndy emdeý ádisteri engizildi.
Búgin búkil álemde Halyqaralyq bala quqyqtaryn qorǵaý kúni atap ótiledi. Densaýlyqty saqtaý quqyǵy - negizgi quqyqtyń biri.
