Qazaqstanda pandemiia bastalǵaly beri koronavirýsqa test júrgizý kúnine 5 myńnan 30 myńǵa deiin ósti. Bul týraly Ulttyq saraptama ortalyǵynyń direktory Arnur Nurtaev qoǵamdyq keńestiń otyrysynda aitty dep habarlaidy QazAqparat.
«Qazaqstanda pandemiia bastalǵan kezde koronavirýsqa kúnine myń test jasalatyn. Qazir josparǵa sáikes jáne pandemiianyń órshýin eskere otyryp test tapsyrýdyń qýaty artty. Qazirgi ýaqytta kúnine 30 myń adam koronavirýsqa test tapsyrady. Bastapqyda 18 zerthana bolsa, búginde 50-den astam zerthana jumys isteidi, onyń ishinde jekemenshikter de bar», - dedi Arnur Nurtaev.
Onyń aitýynsha, shilde aiynda zerthanalardyń qýaty táýligine 40 myń testke deiin ulǵaiady.
Sonymen qatar, ol zerthanalardyń jabylýyna sol mekemedegi qyzmetkerlerdiń C0VID-19 juqtyrýy sebep bolǵanyn tilge tiek etti.
«Zerhanada adamdar jumys isteidi. Olar halyqty testileýden ótkizedi. Ókinishke qarai, saqtyq sharalaryn qoldansa da, olarda virýs juqtyrý qaýpi óte joǵary. Laboratoriia qyzmetkerleri arasynda virýs juqtyrǵan jaǵdailar tirkeldi. Sondyqtan dezinfektsiialyq jumys júrgizý úshin birneshe kúnge jabylady», - dedi Ulttyq saraptama ortalyǵynyń direktory.
