Foto: Aqmola oblysy TJD
QR Ishki ister ministriniń birinshi orynbasary Marat Qojaev sý tasqyny kezinde qaza tapqan nemese habarsyz ketken adamdarǵa qatysty qylmystyq ister qozǵalǵanyn aitty, dep habarlaidy «Ult aqparat» Kazinform-ǵa silteme jasap.
«Osyndai qaiǵyly jaǵdailar oryn alyp, buqaralyq aqparat quraldarynda keńinen talqylandy. Abai oblysynda eki adam joǵalyp ketti jáne Atyraý oblysynda da derekter anyqtaldy. Bul faktiler qylmystyq ister qozǵaldy jáne tergeý tiisti protsessýaldyq sharalardy atqaryp jatyr. Onyń nátijeleri munyń qalai bolǵanyn, sebepterin, oǵan yqpal etetin jaǵdailardy jáne osy oqiǵalarǵa kimniń kináli ekenin anyqtaýǵa múmkindik beredi», - dedi M. Qojaev Senatta tilshiler suraǵyna jaýap bere otyryp.
Bul turǵyda ol atalǵan másele boiynsha qozǵalǵan qylmystyq isterdiń sanyn aitty.
«Vedomstvo iz-túzsiz joǵalǵandarǵa qatysty qylmystyq is qozǵady. Qazir mundai sipattaǵy jeti qylmystyq is bar. Olardyń barlyǵyna qatysty aldyn ala tergeý amaldary júrgizilip jatyr», - dedi ministrdiń orynbasary.
