Qazaqstanda ótken táýlikte 1717 adamnyń boiynda koronavirýs infektsiiasy bar ekeni PTR test arqyly anyqtaldy, odan ózge 46 adam koronavirýs infektsiiasynyń belgileri bar pnevmoniiamen aýyryp, 37 adam qaitys bolǵan.
Koronavirýs juqtyrǵandardyń eń kóbi Almaty qalasy (429 adam) men Nur-Sultan qalasynda (288 adam). Odan keiin Almaty oblysy (133 adam) men Pavlodar oblysy (122 adam). Koronavirýs juqtyrǵandar eń az óńir – Mańǵystaý oblysy (4 adam), odan keiin Qyzylorda oblysy (17 adam) men Túrkistan oblysy (26 adam).
Ótken táýlikte Qazaqstanda 1913 adam koronavirýstan emdelip shyqty.
Koronavirýs tarylymy boiynsha Qazaqstanda qyzyl, sary, jasyl aimaqtar belgilengen. Jasyl aimaqta bolǵan Soltústik Qazaqstan oblysy senbi kúni "qyzyl aimaqqa" qaita oralǵan. Buǵan deiin qyzyl aimaqta Nur-Sultan men Almaty qalalary bolǵan. Túrkistan, Jambyl, Mańǵystaý jáne Qyzylorda oblystary "jasyl aimaqta". Qalǵany "saryda" tur.
