22 qazanda Qazaqstanda 1732 adamnyń analizinen koronavirýs anyqtaldy. 1979 adam jazyldy. Senbi, tańerteń densaýlyq saqtaý ministrligi osylai dep habarlady.
Ótken táýlikte Almaty qalasynda – 234, Pavlodar oblysynda 225 adamnyń PTR testi oń shyqqan. Nur-Sultan (172), Qaraǵandy oblysy (161), Aqmola oblysy (148), Almaty oblysynda (105) 200-ge deiin naýqas tirkelgen. Qalǵan oblystarda bir kúnde anyqtalǵan naýqastar júzge jetpeidi.
2020 jyldyń naýryz aiynan beri 926 myń adamnyń koronavirýs testi oń shyqqan. 11 907-i qaitys bolǵan.
Pnevmoniianyń koronavirýsqa uqsas túrine 2020 jyldyń 1 tamyzynan beri 78 596 adam shaldyqqan. 4998 adam qaitys bolǵan. 21 qazanda 136 adamǵa osyndai diagnoz qoiyldy.
Eki kún buryn 34 adam ólimi tirkeldi: 28 adam – koronavirýstan, 6 adam koronavirýsqa uqsas pnevmoniiadan qaitys boldy dep aitylady.
23 qazandaǵy málimet boiynsha, elde 50 869 adam koronavirýs infektsiiasynan (–44 687 + jáne 6 182 KVI-) emdelip jatyr. Olardyń ishinde 8 750 patsient statsionarda, 42 119 naýqas ambýlatoriialyq deńgeide em qabyldaýda.
KVI+, KVI- shaldyqqandardyń arasynda:
631 adamnyń jaǵdaiy aýyr,
162 patsienttiń jaǵdaiy óte aýyr,
107 naýqas ÓJJ apparatynda jatyr.
Qazaqstanda aqpan aiynan beri halyqqa koronavirýsqa qarsy vaktsina egilip keledi. Sodan beri 7,3 mln adam vaktsinanyń eki dozasyn alǵan. 800 myń adam ekinshi dozasyn kútip otyr. Buǵan deiin ministrlik qarashanyń sońynda jurtqa vaktsinanyń úshinshi dozasyn salynatynyn aitqan. Birinshi kezekte ekpe meditsina qyzmetkerleri, muǵalimder, koronavirýsqa qarsy antidenesi qalyptaspaǵan, densaýlyǵy dimkás azamattarǵa salynýy tiis. Ministrliktiń aitýynsha, birinshi kezeńde úshinshi doza alýy tiis azamattardyń sany 600 myńǵa jýyqtaidy.
