12 qazanda Qazaqstanda 1707 adamnyń analizinen koronavirýs anyqtaldy. 1958 adam Covid-ten aiyqty.
Qazir kúnine 1500-2000 ainalasynda naýqas tirkelip júr. Densaýlyq saqtaý ministrligi tamyzdan beri indettiń sál báseńdegenin aitqan. Jazda indet ýshyqqan kezde kúnine tirkelgen naýqastar 8 myńǵa deiin bardy. Adam ólimi de kóp boldy.
Indet bastalǵaly beri Qazaqstanda 908 myń adamnyń koronavirýs testi oń shyqqan. 850 myńy aiyqqan. 11 613-i jazylǵan. 11 qazanda 29 adam koronavirýstan kóz jumǵan.
Qazir Nur-Sultan, Almaty qalalary, Pavdodar, Aqmola, Soltústik Qazaqstan oblystary "qyzyl aimaqta" tur. "Jasyl aimaqta" Shymkent qalasy, Túrkistan, Jambyl, Atyraý, Qyzylorda oblystary tur. Qalǵany - "sary aimaqta".
Pnevmoniianyń koronavirýsqa uqsas túrin Qazaqstan biligi halyqaralyq uiymdardyń qysymynyń nátijesinde 2020 jyldyń 1 tamyzynan bastap esepke ala bastaǵan.
Sodan beri resmi málimet boiynsha, 77 myńnan astam adam koronavirýs pnevmoniiasyna shaldyqqan. 11 qazanda bul diagnoz 176 adamǵa qoiyldy. 2020 jyldyń 1 tamyzynan beri "pnevmoniia" 4931 naýqas ólimine sebepshi bolǵan. 6-y eki kún buryn kóz jumǵan.
Qazir respýblika boiynsha 53 myńǵa jýyq naýqas koronavirýstan emdelip jatyr. 9,2 myń naýqas statsionarda jatyr.
Qazir 6,9 million adam koronavirýsqa qarsy vaktsinanyń tolyq dozasyn alǵan. 1 mln adam ekinshi dozasyn kútip otyr.
Qazir Qazaqstanda 18 ben 65 jas aralyǵyndaǵy adamdarǵa reseilik "Spýtnik V" (qazir ony Qaraǵandyda óndiredi), qazaqstandyq QazVac, qytailyq Sinopharm kompaniiasynyń BAÁ-de óndirilgen Hayat-Vax pen Qytaida óndirilgen Vero Cell ekpesi, sonymen birge taǵy bir qytailyq Sinovac kompaniiasynyń CoronaVac ekpesi salynyp jatyr.
