Qazaqstanda koronavirýspen bailanysty adam óliminiń kórsetkishi joǵary bolyp tur. Densaýlyq saqtaý ministrliginiń habarlaýynsha, 3 tamyzda koronavirýstan 158 adam qaitys bolǵan: 33-i koronavirýs pnevmoniiasynan kóz jumǵan. Indet bastalǵaly beri bir kúnde osynsha kóp adam ólimi tirkelmegen. Adam ólimi boiynsha rekordtyq kórsetkishtiń jańaryp jatqanyna osymen úsh kún boldy.
Bir kún buryn densaýlyq saqtaý salasynyń mamandary adam óliminiń kóbeiýine koronavirýstyń delta variantynyń jyldam taralýy jáne vaktsinalaýdyń baiaýlyǵy sebep dep málimdegen.
4 tamyzda 7792 adamnyń koronavirýs testi oń shyqqan. Naýqastardyń 60 paiyzǵa jýyǵy Nur-Sultan (1434), Almaty (1570), Shymkent (535), Qaraǵandy oblysynda (931) tirkelgen. Aqtóbe oblysynda – 403, Atyraý oblysynda 397 adamnan koronavirýs anyqtalǵan. Qalǵan oblystarda 140-300 tóńireginde naýqas tirkelgen.
Qazir Túrkistan oblysy koronavirýstyń taraýy boiynsha "jasyl aimaqta" tur. Qalǵan oblystar men qalalar "qyzyl aimaqta".
2020 jyldyń naýryz aiynan ber 610 myń adamnyń koronavirýs testi oń kórsetken. 6402-i qaitys bolǵan.
Qazaqstan biligi pnevmoniianyń koronavirýsqa uqsas túrin 2020 jyldyń tamyzynan beri eseptep keledi. Sodan beri 62 myń adamǵa sondai diagnoz qoiylǵan (3 tamyzda 379 adam kornavirýs pnevmoniiasyna shaldyqqan), 3814-i qaitys bolǵan.
Keibir sarapshylar koronavirýs juqtyrǵandar men odan qaitys bolǵandar resmi málimettegiden góri áldeqaida kóp dep sanaidy.
5 tamyzdaǵy málimet boiynsha, 107 600 adam koronavirýs infektsiiasynan (–104 377 + jáne 3 223 KVI-) emdelip jatyr. Olardyń ishinde 29 623 patsient statsionarda, 77 977 naýqas ambýlatoriialyq deńgeide em qabyldap júr.
KVI+, KVI- shaldyqqandardyń arasynda:
1 832 adamnyń jaǵdaiy aýyr,
417 patsienttiń jaǵdaiy óte aýyr,
202 naýqas ÓJJ apparatynda jatyr.
Eske sala ketsek, 3 tamyz kúni Qazaqstan aýmaǵynda 125 adam - koronavirýstan, taǵy 33 adam - pnevmoniiadan qaitys bolǵan.
Resmi málimet boiynsha, Qazaqstanda 5 584 190 adam vaktsinanyń I komponentin alsa, 4 148 969 adam II komponentimen de egilgen.
