Qazaqstanda saiasi qýǵyn-súrgin máseleleri boiynsha muraǵat materialdarynyń arnaýly qory quryldy. Bul týraly QR Premer-Ministriniń orynbasary Eraly Toǵjanov aitty, dep habarlaidy "Ult aqparat".
«Barlyq materialdar qýǵyn-súrgin túrleri jáne qýǵyn-súrginge ushyraǵandardyń sanaty boiynsha jikteledi. Shaǵyn komissiialardyń jetekshileri Bilim jáne ǵylym, Mádeniet jáne sport ministrlikteriniń qyzmetkerlerimen birge óńirlik komissiialardyń qyzmetine baqylaý jasaý úshin aimaqtarǵa kóshpeli inspektsiiamen shyǵyp turady», - dedi Eraly Toǵjanov Ortalyq kommýnikatsiialar qyzmetindegi baspasóz máslihatynda.
Ol inspektsiia sonymen qatar óńirlik komissiialardyń qalypty jumysyna qajetti ádistemelik jáne basqa da kómekterdi kórsetetindigin basa aitty.
«Mádeniet jáne sport ministrligi Ulttyq muraǵat pen Ortalyq memlekettik muraǵat bazasynda saiasi qýǵyn-súrgin máseleleri jónindegi muraǵat materialdarynyń arnaýly qoryn qurdy. Búginde atalǵan muraǵattarda saiasi qýǵyn-súrgin qurbandaryna qatysty myńnan astam muraǵattyq is saqtalyp otyr. Bul bizde endi ǵana bastalǵan aýqymdy jumystyń bir bóligi ǵana ekeni sózsiz. Atalǵan qor komissiia qyzmetiniń aiasynda qupiia belgisi alynan qujattarmen tolyqtyrylyp otyrady», - dedi Premer-Ministrdiń orynbasary.
