Elimizdiń Ishki ister ministrligi «reseilik nómirli kólik júrgizýshilerin jol erejesin buzbaǵan jaǵdaida toqtatpaidy» dep taraǵan aqparatqa qatysty túsinik berdi, dep habarlaidy QazAqparat.
«Keibir BAQ-ta «reseilik nómirli kólik júrgizýshilerin jolda júrý erejesin buzbasa toqtatpaidy» degen aqparat tarady. Osyǵan orai túsindirip ótkim keledi. Búginde Qazaqstanda shamamen 120 myń reseilik nómirli kólik jolda júrý zańyna qaishy kelmeidi. Ol kólik ieleri el aýmaǵynda 1 jylǵa deiin kedergisiz júre alady. Al Reseide esepten shyǵarylyp, biraq Qazaqstanda tirkelmegen kóliktiń sany 80 myńdai. Atalǵan kólik ielerine jolda júrýge tyiym salynady. Olar jol-kólik zańyn buzyp jatyr», - dedi QR IIM Ákimshilik politsiia komiteti basqarmasynyń basshysy Iýrii Kozlov.
Aita ketsek, buǵan deiin ministrlik reseilik nómirli kólikterdi tirkeýde eshqandai jeńildiktiń bolmaitynyn málimdegen edi.
