Qazaqstanda ótken táýlikte PTR test arqyly 1642 adamnan koronavirýs indeti anyqtaldy. Osy kúngi málimet boiynsha 35 adam koronavirýs infektsiiasynyń belgileri bar pnevmoniiaǵa shaldyǵyp, 7 adam qaitys bolǵan, 1459 adam emdelip shyqqan. Bul aqparatty Densaýlyq saqtaý ministrligi jariialady.
2020 jyly naýryzdan beri Qazaqstanda 918146 adam koronavirýspen, 77995 adam koronavirýs infektsiiasy bar pnevmoniiamen aýyryp, pnevmoniiadan 4962 adam qaitys bolǵan.
18 qazandaǵy málimet boiynsha, 52 825 adam koronavirýs infektsiiasynan (–46 275 + jáne 6 550 KVI-) emdelýde, olardyń ishinde 9 329 patsient statsionarda, 43 496 naýqas ambýlatoriialyq deńgeide em qabyldaýda.
KVI+, KVI- shaldyqqandardyń arasynda:
628 adamnyń jaǵdaiy aýyr,
177 patsienttiń jaǵdaiy óte aýyr,
104 naýqas ÓJJ apparatynda jatyr.
Qazaqstanda 7 million adam koronavirýs vaktsinasynyń tolyq dozasyn alǵan. 900 myń adam ekinshi dozasyn kútip otyr. 18 ben 65 jas aralyǵyndaǵy adamdarǵa Reseidiń "Spýtnik V" (qazir ony Qaraǵandyda óndiredi), Qazaqstannyń QazVac, Qytaidyń Sinopharm kompaniiasynyń BAÁ-de óndirilgen Hayat-Vax pen Qytaida óndirilgen Vero Cell ekpesi, sonymen birge taǵy bir qytailyq Sinovac kompaniiasynyń CoronaVac ekpesi salynyp jatyr.
