Oqý jyly bastalǵaly beri 9 185 oqýshydan koronavirýs anyqtaldy. Bul týraly QR Densaýlyq saqtaý ministri Aleksei Tsoi málim etti, dep habarlaidy QazAqparat.
«Jańa oqý jylynyń bastalýyna bailanysty ministrlik oqýshylar arasynda syrqattanýshylyqqa kúndelikti monitoring júrgizýde. KVI-diń 9 185 jaǵdaiy tirkeldi. Bul oqýshylardyń jalpy sanynyń 0,26 paiyzyn quraidy. 102 myńnan astam bailanysta bolǵan adam anyqtaldy, onyń ishinde 624-i oń nátijemen», - dedi ministr Ortalyq kommýnikatsiialar qyzmetindegi baspasóz máslihatynda.
Ministrdiń dereginshe, stýdentter arasynda 1 282 jaǵdai tirkelgen. Onyń ishinde 935-i orta oqý oryndarynyń stýdentteri arasynda jáne 347 jaǵdai joǵary oqý oryndarynyń stýdentteri arasynda anyqtaldy. Bul orta oqý oryndaryndaǵy bilim alýshylardyń 0,2 paiyzyn jáne joǵary oqý oryndaryndaǵy bilim alýshylardyń 0,08 paiyzyn quraidy.
«Joǵary oqý oryndarynyń stýdentteri arasynda syrqattanýshylyqtyń tómen deńgeii vaktsinatsiialaýdyń tiimdiligin taǵy da kórsetip otyr», - dedi Aleksei Tsoi.
