Qazaqstana koronavirýs infektsiiasynan keletin ólim-jitim statistikasy aptasyna bir ret beriletin boldy. Bul týraly Ortalyq kommýnikatsiialar qyzmetinde ótken baspasóz máslihatynda Densaýlyq saqtaý ministri Aleksei Tsoi málim etti, dep habarlaidy QazAqparat.
«Bul mańyzdy sharýa. Biz buryn mundai málimetterdi kún saiyn berip otyrdyq. Alaida bir patsient bir kún buryn qaitys bolsa, biz ol týraly málimetti keleis kúni alyp otyrýymyz múmkin. Sol sebepti mundai statistikany aptasyna bir ret berip otyrýdy jón dep sheshtik», - dedi Aleksei Tsoi.
Eske sala ketsek búgin QR Premer-Ministri Asqar Maminniń tóraǵalyǵymen ótken Memlekettik komissiia otyrysynda QR Prezidenti Qasym-Jomart Toqaevtyń tapsyrmasyna sáikes Qazaqstandaǵy epidemiologiialyq ahýaldy turaqtandyrý sharalary qaralǵan bolatyn. Memlekettik komissiianyń sheshimimen 5 shildeden bastap elimizde 14 kúnge qatań shekteý sharalary engiziletin boldy.
