Premer-ministrdiń orynbasary Eraly Toǵjanov meditsinalyq maska máselesi Úkimettiń turaqty baqylaýynda ekenin málim etti, dep habarlaidy QazAqparat.
«Búgingi kúnde Qazaqstanda 365 myń maska shyǵarylady. Aldaǵy kúnderi óndiris kólemin kúnine 1 mln danaǵa deiin jetkizýdi naqty maqsat etip qoidyq. Oǵan jetkizemiz de», - dedi Eraly Toǵjanov Úkimettiń baspasóz ortalyǵynda ótken onlain rejimdegi brifing barysynda.
Osylai dei kele Eraly Toǵjanov kóneden kele jatqan «úsh synaq» ósietin eske aldy.
«Qurmetti otandastar, búgingi áleýmettik-ekonomikalyq jaǵdai barsha memleketter úshin úlken syn saǵaty bolyp otyrǵany belgili. Ótken babalarymyzdan qalǵan úsh synaq qaǵidasy bar: baq synaǵy, qiynshylyq synaǵy, ólim synaǵy degen. Búgingi jaǵdai adam balasyna ǵana emes, memleketimizge, táýelsizdigimizge túsken synaq bolyp otyr. Ultymyz óz tarihynda bul siiaqty synaqtardan qanshama ret aýyzbirshiliktiń arqasynda ótken, adamgershilik arqasynda halyq bolyp jabyla kótergen. Búgingi urpaq ta birlese jumyla otyryp, ortaq sheshimderimizdiń arqasynda barlyq máselelerdi eńseretinimizge tolyqtai senemiz», - dedi vitse-premer.
