Qazgidromet 12-14 qazanǵa arnalǵan aýa raiy boljamyn jariialady, dep habarlaidy "Ult aqparat".
«Antitsiklonnyń áserinen Qazaqstannyń basym bóliginde jaýyn-shashynsyz aýa raiy kútiledi. Tek soltústik, shyǵys jáne ońtústik-shyǵys aimaqtarynda jańbyr men qar túrinde jaýyn-shashyn túsedi. 12 qazanda taýly aýdandarda qatty jaýyn-shashyn bolady. Sondai-aq, respýblika boiynsha túnde jáne tańerteń tuman, soltústikte — kóktaiǵaq, batysta jáne ońtústikte shańdy daýyl boljanady. Batysta jáne soltústik-batysta kúndizgi temperatýra 20 gradýsqa deiin joǵarlaidy, soltústikte, shyǵysta jáne ortalyqta 15 gradýsqa deiin, ońtústik aimaqtarda 20 gradýsqa deiin jyly aýa raiy boljanady», - delingen habarlamada.
