QR Qarjy naryǵyn retteý jáne damytý agenttigi qaryzdar men mikrokreditti óteýde qiyndyqqa tap bolǵan qaryz alýshylardyń quqyǵyn qorǵaý sharalary jaily málimet berdi, dep habarlaidy QazAqparat.
1 qazannan bastap qiyndyqqa tap bolǵan qaryz alýshylardyń quqyǵyn qorǵaý úshin bankter men MQU úshin azamattardyń merzimi ótken bereshegin retteýdiń mindetti tetigi zańnamalyq túrde engizilgen.
Agenttikte málim etkendei, problemalyq bereshekti retteý rásimin bastaý úshin qaryz alýshy kreditorǵa, iaǵni, bankke nemese MQU-ǵa tiisti ótinishpen júginýge tiis.
Ótinishte rastaityn qujattar qosa berile otyryp, TAÁ, JSN, bailanys derekteri, qaryz týraly málimetter, merzimin ótkizip alýdyń týyndaý sebepteri kórsetilýge tiis.
Azamattarǵa yńǵaily bolý úshin qaryz alýshylar ótinishterdi jazbasha da, qashyqtan da, iaǵni, resmi internet-resýrstar jáne kreditordyń elektrondyq poshtasy arqyly bankter men MQU-nyń bólimshelerine barmai-aq bere alady.
Ótinish pen rastaityn qujattardy alǵan kúnnen bastap, kúntizbelik 15 kún ishinde bankter men MQU boryshkerdiń qarjylyq jáne áleýmettik jaǵdaiyn jeke tártippen taldaidy.
Kórsetilgen merzimde qaryz alýshyǵa banktiń nemese MQU-nyń qaryzdy qaita qurylymdaý talaptarymen kelisetini týraly habarlanýǵa tiis.
Kreditor qaryzdy qaita qurylymdaý talaptary boiynsha kelisken kezde bankter men MQU kelesi kúntizbelik 15 kún ishinde qaryzdy nemese mikrokreditti óteýdiń jańa kestesin qabyldai otyryp, qaryz nemese mikrokredit shartynyń talaptaryna qajetti ózgerister engizýge mindetti.
Banktik qaryz nemese mikrokredit shartynyń talaptaryn ózgertý týraly ózara qolaily sheshimge qol jetkizilmegen jaǵdaida, qaryz alýshy Qarjy naryǵyn retteý jáne damytý agenttigine júginýi kerek.
Qaryz alýshynyń ótinishi negizinde Agenttik qarjy uiymyna qatysty qujattamalyq tekserýge bastama jasaidy, onyń sheńberinde kreditordyń problemalyq bereshekti jáne qaryz alýshylardyń quqyqtaryn retteý protsesine qoiylatyn zańnamalyq talaptardy saqtaýyna taldaý júrgizetin bolady.
Agenttikke mynadai tásildermen júginýge bolady:
Elektrondy úkimet portaly arqyly. «Elektrondyq ótinishter» servisinde «Onlain qyzmetke tapsyrys berýdi» tańdaý qajet jáne rastaityn qujattardy qosa bere otyryp, ótinish mátinin toltyrady.
eOtinish elektrondyq servisiniń kómegi arqyly. Ótinish berý eGov qosymshasy arqyly júzege asyrylady, «Ótinish berý» servisinde «Ótinish»-ti tańdap, ótinish mátinin toltyrady.
Bankter men MQU mekenjaiy men telefonyn osy siltemeden tabýǵa bolady.
