Densaýlyq saqtaý ministri Aleksei Tsoi Qazaqstanda koronavirýstyń jańa shtamy anyqtalǵanyn málimdedi, - dep habarlaidy "Ult aqparat".
«Densaýlyq saqtaý ministrligi aǵymdaǵy jyldyń shilde-tamyz ailarynda KVI naýqastarynan alynǵan oń zerthanalyq úlgilerdi sekvenirleý ádisimen koronavirýstyq infektsiiaǵa genetikalyq zertteý júrgizdi.
Sekvenirleý qorytyndylary boiynsha Qazaqstan Respýblikasynda 96 úlgide shtammdar ainalymy belgilengen (Delta «Úndi shtammy» - 57 (59,4%), Alpha «Britandyq» - 24 (25%), «Ýhan» koronavirýsy - 10 (10,4%) jáne Eta «Nigeriia» - 5 (5,2%)).
Eta «Nigeriia» shtammynyń ainalymy 4 óńirde aiqyndaldy (Qaraǵandy - 1, Mańǵystaý - 2, Pavlodar - 1, Nur-Sultan - 1).
«Eta» shtammnyń paida bolýy 2020 jyldyń jeltoqsanynda belgili bolǵan. Aýrýdyń alǵashqy jaǵdailary Nigeriia men Ulybritaniiada anyqtaldy.
Dúniejúzilik densaýlyq saqtaý uiymynyń 2021 jylǵy 15 qyrkúiektegi derekteri boiynsha «Eta» shtammy álemniń 77 elinde bólingen, DDU sanaty boiynsha «baqylaýdy» talap etetin shtammdarǵa jatady. Klinikalyq belgileri Alpha (Britandyq) jáne Beta (Ońtústik Afrika) shtamdary (joǵary qyzba, jótel, iis pen dám joǵaltý, aýyr aýrý jáne t.b.) siiaqty.
Osyǵan bailanysty Densaýlyq saqtaý ministrligi árbir qazaqstandyqty óz densaýlyǵyn jáne jaqyndary men týystarynyń densaýlyǵyn saqtaýǵa qamqorlyqpen qaraýǵa shaqyrady. Infektsiiadan jáne aýrýhanaǵa jatqyzýdan qorǵaýdyń jalǵyz tiimdi ádisi - COVID19 vaktsinatsiiasynyń aiaqtalǵan kýrsy», - dep jazdy ministr jelidegi paraqshasynda.
Sondai-aq, virýstyń taralý qaýpin azaitý úshin barlyq aldyn-alý sharalaryn saqtaý qajet: maska kiiý, áleýmettik qashyqtyqty saqtaý, qol gigienasy, úi-jailardy jeldetý jáne t.b.
