DSM Sanitariialyq-epidemiologiialyq baqylaý komitetiniń tóraǵasy Aijan Esmaǵambetova koronavirýstyń «Delta» nemese úndi shtamyna qansha adamǵa test jasalǵanyn aityp berdi, dep habarlaidy QazAqparat.
«Búgingi tańda Nur-Sultan qalasy boiynsha koronavirýs infektsiiasy diagnozy qoiylǵan 55 adam ekspress-ádispen testileýden ótti. Olardyń 55%-ynda iaǵni 30 synamada úndi shtamynyń mýtatsiiasy bolýy yqtimal. Búgin Almaty qalasynda da úndi shtamynyń tsirkýliatsiiasy anyqtaldy. Keshe testileýden ótkender arasynan bir synama tabyldy», - dep jaýap berdi Aijan Esmaǵambetova Ortalyq kommýnikatsiialar qyzmetinde tilshi suraǵyna.
Onyń aitýynsha, PTR skriningi úndi shtamyna tán mýtatsiiany anyqtaidy, al tolyq senimdi nátije alý úshin genomdyq rettilik júrgiziledi.
«Iaǵni, virýstyń DNQ tizbegi tolyq qarastyrylyp, úndi shtamyna tán mýtatsiianyń bolý-bolmaýy anyqtalady. Bul taldaý ádette, aitarlyqtai uzaq ótedi jáne oǵan shamamen úsh apta jumsalady», - dep túsindirdi spiker.
Iaǵni, mamandar aldymen jedel testileý ótkizip, PTR ádisimen anyqtaǵan.
«Endi dál osy synamalar úsh apta ishinde tekseriledi. Sonda tolyq genomdyq rettilik úndi shtamynyń bar-joǵyn rastaidy. Degenmen, PTR-júieler óte sezimtal jáne koronavirýstyń qandai da bir túriniń mýtatsiiasyn anyqtaidy», - dep tolyqtyrdy Aijan Esmaǵambetova.
