12 qyrkúiekte Qazaqstanda 3088 adamnyń analizinen koronavirýs anyqtaldy. Bul shildede indet ýshyǵardyń aldynda tirkelgen kórsetkishtermen shamalas. Qazir koronavirýstyń beti qaitqan.
Ótken táýlikte Almatyda 719 naýqas anyqtaldy. Bul - respýblika boiynsha bir kúnde tirkelgen eń joǵary kórsetkish. Qaraǵandy oblysynda – 379, Nur-Sultanda – 325, Almaty oblysynda – 218, Pavlodar oblysynda 204 adamnyń koronavirýs testi oń shyqqan.
Qazir 8 oblys pen úsh qala "qyzyl aimaqta": Nur-Sultan, Almaty qalasy, Shymkent, Aqmola, Aqtóbe, Pavlodar, Atyraý, Qaraǵandy, Qostanai, Mańǵystaý jáne Almaty oblystary.
Bes aimaq: Batys Qazaqstan, Shyǵys Qazaqstan, Jambyl, Qyzylorda jáne Soltústik Qazaqstan oblystary "sary aimaqta". Túrkistan oblysy ǵana "jasyl aimaqta" tur.
2020 jyldyń naýryz aiynan beri 842 myń adamnyń koronavirýs testi oń shyqqan, 10 354 kisi qaitys bolǵan. Buǵan koronavirýs juqtyrǵany rastalǵan, biraq ózge aýrýdan qaitys boldy degen 2633 adam kirmei qalǵan.
Qazaqstan 2020 jyldyń 1 tamyzynan bastap PTR testi teris shyqqan, biraq aýrý belgileri boiynsha koronavirýsqa uqsaityn "kovidtektes pnevmoniia" esebin júrgizip keledi. Osy kúnge deiin pnevmoniianyń bul túrine 72 796 adam tirkelgen. Onyń ishinde 4677 adam aýrýdan aiyǵa almai qaitys bolǵan.
Qazir elde 78 512 adam koronavirýs infektsiiasynan (–70 184 + jáne 8 328 KVI-) emdelip jatyr. Olardyń ishinde 16 345 patsient statsionarda, 62 167 naýqas ambýlatoriialyq deńgeide emdelip júr.
KVI+, KVI- shaldyqqandardyń arasynda: 1 276 adamnyń jaǵdaiy aýyr, 340 patsienttiń jaǵdaiy óte aýyr, 196 naýqas ÓJJ apparatynda jatyr.
19 million halqy bar Qazaqstanda úkimet 10 million azamatqa koronavirýs vaktsinasyn salýdy kózdep otyr. Búginge keiin deiin ekpeni 5,9 mln adam tolyq alǵan. Budan bólek, 1,1 mln adam vaktsinanyń ekinshi dozasyn kútip otyr.
Amerikalyq Djons Hopkins ýniversitetiniń málimeti boiynsha, álemde 222 mln adam koronavirýsqa shaldyqqan, 4,6 milliony qaitys bolǵan.
