Keiingi eki aida COVID-19-dan bolǵan ólim-jitim 4,1 ese azaidy. QR Densaýlyq saqtaý ministriniń birinshi orynbasary Marat Shoranov Úkimet otyrysynda osylai málim etti, dep habarlaidy QazAqparat.
«Búginde elimizde «jasyl» aimaqta 9 óńir bar: Jambyl, Mańǵystaý, Qyzylorda, Túrkistan, Aqtóbe, Batys Qazaqstan, Atyraý, Almaty oblystary jáne Shymkent qalasy.
Qazaqstan Respýblikasy jáne 4 óńir – «sary» aimaqta (Shyǵys Qazaqstan, Qaraǵandy oblystary, Almaty jáne Nur-Sultan qalalary).
«Qyzyl» aimaqta Aqmola, Qostanai, Pavlodar jáne Soltústik Qazaqstan oblystary qalyp otyr», - dedi birinshi vitse-ministr.
Onyń aitýynsha, eldegi COVID-19 virýsymen syrqattanýdyń reprodýktivtik sany – 0,93.
«Jalpy Qazaqstanda sońǵy eki aida syrqattaný 2,8 ese – aptasyna 33 346 jaǵdaidan 11 709 jaǵdaiǵa deiin azaidy. Al ólim 4,1 ese – aptasyna 761 jaǵdaidan 184 jaǵdaiǵa deiin kemidi. Bul jalpy epidemiologiialyq jaǵdaidyń turaqtalýyn kórsetedi», - dedi Marat Shoranov.
