Qazaqstanda bir aptadaǵy koronavirýspen naýqastaný ósimi 10 paiyzdy qurady. Bul týraly búgin Úkimet otyrysynda Densaýlyq saqtaý ministri Aleksei Tsoi aitty, dep habarlaidy "Ult aqparat".
«Qazaqstanda bir aptadaǵy koronavirýspen naýqastaný ósimi 10 paiyzdy quraidy. QR-da delta shtamynyń anyqtalýyna bailanysty shilde aiynda naýqastanýdyń ósimi tirkeldi. Degenmen,tamyz aiynyń basynan bastap koronavirýs infektsiiasymen naýqastaný ósiminiń baiaýlaýy jáne Nur-Sultan qalasynda COVID-19 boiynda epidemiologiialyq ahýaldyń turaqtanýy baiqalady», - dedi ministr.
Onyń dereginshe, álemde COVID-19-ǵa shaldyǵý jáne odan ólim-jitimge qatysty ahýal turaqsyz bolyp otyr. Búkil álemde KVI-diń 204 mln jaǵdaiy tirkelgen. Kún saiyn 500 myń adam aýrýǵa shaldyǵyp jatyr. 4,3 mln adam qaitys boldy. Qazirgi ýaqytta Amerikada 78 mln. Eýropada 60-mln-nan astam, Ońtústik-Shyǵys Aziiada 38 mln-nan astam, Shyǵys Jerorta teńizi elderinde 12 mln-nan astam jaǵdai tirkelgen.
«Degenmen, sońǵy aptada naýqastanýdyń eń joǵary ósimi Japoniiada baiqalady. Bul elde apta ishinde naýqastaný 98 paiyzǵa, Izrailde 75, al Ázerbaijanda 69 paiyzǵa artty», - dedi Aleksei Tsoi.
