"Qazaqstanda ótken táýlikte 6358 adamnyń koronavirýs juqtyrǵany PTR testpen rastaldy" dep habarlaidy Densaýlyq saqtaý ministrligi. Bul aqparatta 141 adamnyń osy infektsiiadan qaitys bolǵany kórsetilgen.
Virýs eń kóp taralǵan aimaqtar ishinde Almaty qalasy alǵashqy orynda tur (1605 adam). Onan keiin Qaraǵandy oblysy (821) men Nur-Sultan (601) qalasy.
Resmi maǵlumatqa qaraǵanda, 2020 jyldyń naýryz aiynan beri Qazaqstanda barlyǵy 761 myń 249 adam juqtyrǵany laboratoriiada dáleldengen.
Epidemiia bastalǵaly Qazaqstanda koronavirýstan 8758 adam, "koronavirýs tárizdi pnevmoniiadan" 4315 adam qaitys bolǵan. Jergilikti jerlerde "koronavirýs túrtki bolyp, ózge dertten óldi" degen diagnoz qoiylǵan adamdar bul statistikaǵa enbegen.
Densaýlyq saqtaý ministrliginiń aqparatynsha, respýblikada qazir koronavirýstan 117 566 adam (111 242 KVI+ jáne 6 324KVI-) emdelip jatyr. Olardyń ishinde 27 244 patsient statsionarda, 90 322 naýqas ambýlatoriiada em qabyldap júr.
KVI+, KVI- shaldyqqandardyń arasynda:
1 857 adamnyń jaǵdaiy aýyr,
516 patsienttiń jaǵdaiy óte aýyr,
208 naýqas ÓJJ apparatynda jatyr
Sondai-aq, 26 tamyzdaǵy málimet boiynsha Qazaqstanda koronavirýs vaktsinasynyń I komponentin - 6 466 823, II komponentin 5 152 752 adam saldyrǵan.
Vaktsina saldyrǵandar sany boiynsha Almaty qalasy aldyńǵy orynda, qalada 849 987 turǵyn vaktsinanyń birinshi komponentin, 701 114 adam ekinshi komponentin qabyldaǵan.
Ekpe alýdan ekinshi orynda - Túrkistan oblysy. Óńirde 726 956 adam koronavirýs vaktsinasynyń 1-komponentin, 554 655 adam 2-komponentin egilgen.
Úshinshi orynda Almaty oblysy – 653 378 adam ekpeniń birinshi bóligin alsa, 523 803 adam ekinshi bóligin qabyldaǵan.
