Qazaqstanda koronavirýs pen "kovidtektes" pnevmoniiaǵa shaldyqqandar millionnan asty, dep habarlaidy "Ult aqparat".
2020 jyldyń naýryzynan beri elde 923 060 adamnyń analizinen koronavirýs anyqtalǵan. 866 242 adam aiyqqan. 11 847 adam qaitys bolǵan.
Halyqaralyq uiymdar "kovidtektes" pnevmoniiaǵa shaldyqqandardy Covid statistikasyna qosýǵa keńes bergenmen Qazaqstan bólek eseptep keledi. 2020 jyldyń tamyzynan beri 78 309 adam "kovidtektes" pnevmoniiaǵa shaldyqqan. 66 974 adam jazylǵan. 4988 naýqas qaitys bolǵan.
Densaýlyq saqtaý ministrligi tamyzdan beri indettiń báseńdegenin aitqan. Qazir kúnine 1500-2000 ainalasynda naýqas tirkelip júr. 20 qazanda 1844 adamnyń PTR testi oń shyqqan, 151 adam "kovidtektes" pnevmoniiaǵa shaldyqqan.
Bir kúnde 41 adam qaitys bolǵan: 32 adam – koronavirýstan, 9 adam koronavirýs pnevmoniiasynan kóz jumǵan dep aitylady.
21 qazandaǵy málimet boiynsha, elde 51 318 adam koronavirýs infektsiiasynan (–44 971 + jáne 6 347 KVI-) emdelip jatyr. Onyń ishinde 8 851 patsient statsionarda, 42 467 naýqas ambýlatoriialyq deńgeide em qabyldaýda.
KVI+, KVI- shaldyqqandardyń arasynda:
634 adamnyń jaǵdaiy aýyr,
165 patsienttiń jaǵdaiy óte aýyr,
103 naýqas ÓJJ apparatynda jatyr.
Qazaqstanda 7,2 mln adam koronavirýsqa qarsy vaktsinanyń tolyq dozasyn alǵan. 900 myń adam ekinshi dozasyn kútip otyr.
