Qazaqstanda koronavirýs ósimi 35 paiyzǵa tómendedi. Bul týraly Úkimet otyrysynda QR Densaýlyq saqtaý ministri Aleksei Tsoi aitty, dep habarlaidy QazAqparat.
«Álemde COVID-19-pen naýqastaný jáne odan ólim-jitimge qatysty ahýal áli de qubylmaly bolyp tur. Álemde jalpy KVI-diń 244 mln-nan astam jaǵdaiy tirkelgen. Kún saiyn 300 myńnan astam jaǵdai tirkelip jatyr. 4,6 mln-nan astam adam qaza tapty. Dúniejúzilik densaýlyq saqtaý uiymynyń Eýropalyq óńiri málimetterine sáikes, sońǵy 2 aptada 54 eldiń 26-synda aýrýdyń ósimi baiqalady», - dedi ministr.
Onyń atap ótýinshshe, sońǵy 7 kúnde koronavirýstyń eń joǵary ósimi Majarstanda 100 paiyz, Ýkraina, Polsha, Moldovada 60-80 paiyz, Aýstriia, Germaniia, Belarýste 30-50 paiyz, Chernogoriia, Armeniia jáne Izrailde 8-20 paiyz bolǵan. Al Ispaniiada aýrý ósimi 60, Frantsiiada 40, Grýziiada 39, Ázerbaijanda 16, Italiiada 13, Shveitsariiada 12, Reseide 9 paiyzǵa tómendegen.
«Qazaqstanda aýrý ósimi sońǵy 2 aptada 35 paiyzǵa tómendedi», - dedi Aleksei Tsoi.
Sońǵy aptada Qazaqstanda aýrý deńgeii 14 paiyzǵa tómendep, aptasyna 31 myń jaǵdaidan 25 myńǵa deiin qysqardy.
