Qazaqstanda 18 qyrkúiekte 2781 adamnyń boiynda koronavirýs infektsiiasy bar ekeni PTR test arqyly rastaldy. Bul aqparatty Qazaqstan Densaýlyq saqtaý ministrligi taratty.
Indet taralymy jaǵynan Almaty qalasy (577 adam), Qaraǵandy oblysy (374 adam), Nur-Sultan qalasy (302) alǵashqy oryndarda tur. Mańǵystaý (16 adam), Túrkistan (55 adam), Qyzylorda oblystarynda (67 adam) koronavirýspen aýyrǵandar basqa aimaqtarmen salystyrǵanda azyraq.
2020 jyldyń kókteminen beri, iaǵni Qazaqstanda indet bastalǵaly barlyǵy 860424 adam juqtyrǵan.
Qazaqstanda ótken táýlikte 2909 adam koronavirýstan emdelip shyqty.
17 qyrkúiektegi málimet boiynsha, koronavirýs infektsiiasynyń belgiler bar pnevmoniiamen 201 adam tirkeýge alynyp, 5 adam qaitys bolǵan.
19 qyrkúiektegi málimet boiynsha elimizde 70 822 adam koronavirýs infektsiiasynan (62 248 KVI+ jáne 8 574 KVI-) emdelip jatyr. Onyń ishinde: 13 095 patsient - statsionarda, 57 727 naýqas ambýlatoriialyq deńgeide em qabyldaýda.
KVI+, KVI- shaldyqqandar arasynda:
- 1 041 adamnyń jaǵdaiy aýyr
- 264 patsienttiń jaǵdaiy óte aýyr
- 169 naýqas ÓJJ apparatynda jatyr.
Amerikalyq Djons Hopkins ýniversitetiniń málimeti boiynsha, álemde 227 mln adam koronavirýs juqtyryp, onyń 4,6 milliony qaitys bolǵan.
