Búgin Úkimet otyrysynda Premer-Ministr Asqar Mamin óńirlerge qajetti kólemde kómirmen qamtamasyz etýdi tapsyrdy, dep habarlaidy "Ult aqparat".
«Jylytý maýsymyna daiyndyq jumystary júrip jatyr. Degenmen de bekitilgen kesteden qalyp qoiý jaǵdailary da oryn alýda. Kommýnaldyq qajettilikter men turǵyndar úshin kómir daiyndaý deńgeii áli de tómen», - dep toqtaldy Úkimet basshysy.
Osyǵan bailanysty A. Mamin tiisti tapsyrmalardy berdi. Birinshiden, ákimder josparlanǵan jóndeý jumystaryn belgilengen merzimde aiaqtaýdy qamtamasyz etip, qajetti kólemdegi otyndy aldyn ala jetkizýdi atqarýy kerek.
«Ishki naryqta baǵanyń ósýine jáne kómirdiń tapshylyǵyna jol bermeý maqsatynda óńir ákimderi 2 apta merzimde kómir daiyndaityn ári ony satatyn oryndardyń qazirgi jái-kúiin, jetkizý kestesin, kómir baǵasynyń negizdi bolýyn, sondai-aq onyń sapasy belgilengen tártippen tekserý qajet. Indýstriia ministrligi QTJ kompaniiasymen birge kómir jetkizý úshin qajetti kólemdegi vagondardyń daiyn bolýyn qamtamasyz etsin», - dedi Premer-Ministr.
