Kolledjderge akademiialyq derbestik berildi. Bul týraly «Bilim jáne ǵylym – eldiń turaqty damýynyń kepili» taqyrybyndaǵy pedagogterdiń Respýblikalyq tamyz konferentsiiasynyń plenarlyq sessiiasynda QR Bilim jáne ǵylym ministri Ashat Aimaǵambetov málim etti, dep habarlaidy "Ult aqparat".
«Tehnikalyq jáne kásiptik bilim berý júiesi neǵurlym ikemdi jáne bilim alýshylardyń eń talap etiletin quzyretterin qalyptastyrýǵa baǵdarlanǵan bolady. Qazaqstandyq kolledjderge akademiialyq derbestik berildi. Endi olardyń ózderi jumys berýshilermen birlesip, bilim berý baǵdarlamalarynyń mazmuny men oqý merzimderin aiqyndaityn bolady», - Aimaǵambetov.
Onyń aitýynsha, bilim berý baǵdarlamalary stýdentterge qajetti biliktilikti alýǵa jáne qysqa merzimde jumysqa ornalasýǵa, al qajet bolǵan jaǵdaida qosymsha basqa biliktilikti alýǵa múmkindik beredi. Bul sharalar óndiristegi tehnologiialyq ózgeristerge jáne eńbek naryǵynyń suranystaryna beiimdelýge múmkindik beredi. Osylaisha, kolledjder jumys berýshilerdiń talaptaryna sáikes keletin mamandardy daiarlaityn bolady.
