Aǵymdaǵy jyldyń qańtar-shilde ailarynda kiim óndirisi qundyq máninde 22,3 mlrd teńgeni quraǵan – bul 2019 jyldyń osyndai kezeńimen salystyrǵanda 2,3 paiyzǵa kóp.
Bul rette ónerkásip óndirisiniń indeksi nebári 98,7 paiyzǵa jetken, bul osy salanyń jumysy keri ketip bara atqanyn kórsetedi. Bul týraly "Ult aqparat" energyprom.kz saityna silteme jasap habarlaidy.
Jalpy alǵanda, 2019 jyly óndiris kólemi 42,3 mlrd tg jetken, bul 2018 jylmen salystyrǵanda 19,8 paiyzǵa kóp.
Qazaqstan aimaqtary arasynda kiim óndirisi Almaty oblysynda (4,9 mlrd tg), odan keiin Shymkentte (3,3 mlrd tg) jáne Almatyda (3,2 mlrd tg) jaqsy damyǵan.
Ótken jylmen salystyrǵanda, ósim Shymkentte (+40,4%), sondai-aq Jambyl oblysynda (36,8%) jáne Qyzylorda oblysynda (32,8%) baiqalǵan.
Qazaqstandyq kiim tigýshiler arasynda nárestelerge arnalǵan kiim jáne aksessýarlar óndirisi aitarlyqtai qysqarǵan – 44 paiyz (7,9 mln teńgege deiin). Sondai-aq jempirler, pýlover, kardigandar jáne trikotajdan tigilgen basqa da kiimderdiń óndirisi 40,5 paiyzǵa, 58,1 danaǵa deiin qysqardy.
Oqýshylardyń mektep formasyn tigýshiler de úlken shyǵyn kórip otyr. Qazaqstanda koronavirýs pandemiiasy saldarynan mektep formasyn kiiý talaby alyndy, balalar kiimin satý 95 paiyzǵa azaiǵan.
Bul rette elimizde kiim baǵasy jyldan jylǵa qymbattap barady. Osylaisha, 2020 jyldyń qańtar-tamyz ailarynyń qorytyndysy boiynsha, bólshek saýda oryndarynda kiim baǵasy ótken jyldyń osyndai kezeńimen salystyrǵanda 4,6 paiyzǵa ósken.
