1 qazannan bastap Qazaqstanda halyq sanaǵynyń ekinshi kezeńi bastalady. Onlain formatta saýalnamadan ózdiginen ótpegenderge suhbat alýshylar keledi, dep habarlaidy QazAqparat Qazaqstan Respýblikasy Strategiialyq josparlaý jáne reformalar agenttigi Ulttyq statistika biýrosynyń saityna silteme jasap.
Úilerdi aralaý 30 qazanǵa deiin jalǵasady. Oǵan 22 myńnan astam adam tartylǵan. Suhbat alýshylardyń mindetterine eldiń qalalary men aýyldaryndaǵy úi sharýalaryna jappai saýalnama júrgizý kiretin bolady. Sondai-aq, 15 qazanǵa deiin onlainsanaq úshin barlyq servister qoljetimdi bolmaq.
Sanaq týraly, onyń ishinde suhbat alýshy kiiminiń erekshe elementteri týraly tolyq aqparatty Sanaq.gov.kz resmi saitynan, sondai-aq 1446 nómiri boiynsha alýǵa bolady.
Sanaq nátijeleri úi sharýalarynyń jaǵdaiyn, neke-otbasy qatynastaryn jaqsartý, múmkindigi shekteýli adamdardyń ómirin, halyqtyń turǵyn úi jaǵdailaryn jaqsartý jónindegi memlekettik baǵdarlamalardy ázirleý, sondai-aq bilim berý, jumyspen qamtý, týý jáne kóshi-qon máseleleri boiynsha sheshimder qabyldaý úshin qajet.
Buǵan deiin Qazaqstanda 6 millionnan astam adam onlain sanaqtan ótkeni týraly habarlanǵan bolatyn.
