Elimizdiń Eńbek jáne halyqty áleýmettik qorǵaý ministrligi egde jastaǵy jandarǵa kórsetiletin áleýmettik kómek tizimin jariialady, dep habarlaidy QazAqparat atalǵan vedomstvoǵa silteme jasap.
«Biyl jergilikti biýdjettiń múmkindikterin eskere otyryp jáne biznestiń áleýmettik jaýapkershiligi aiasynda qart adamdardy áleýmettik qoldaýǵa 11,9 mlrd teńgeden astam qarajat baǵyttaldy (onyń ishinde jergilikti biýdjetten – 11,5 mlrd teńge, tartylǵan qarajat esebinen – 0,5 mlrd teńge)», - delingen habarlamada.
Sondai-aq, ministrlik Úkimet tarapynan qarttarǵa qandai áleýmettik kómek qarastyrylǵanyn jáne oǵan qansha qarjy bólingenin tizbektep berdi.
- Uly Otan soǵysyndaǵy Jeńis kúnine birjolǵy materialdyq kómekke – 6,4 mlrd teńge (shamamen 115,8 myń adam);
- azyq-túlik jiyntyǵyn usynýǵa - 145,5 mln teńge (31,6 myń adam);
- jeńildikpen dári-dármekpen qamtamasyz etýge - 46,6 mln teńge (4 myń adam);
- tis protezdeýge - 229 mln teńge (2,5 myń adam);
- sanatorlyq-kýrorttyq emdeýdi usynýǵa – 1 mlrd 247,8 mln teńge (24,1 myń adam);
- turǵyn úidi jóndeýge – 39,9 mln teńge (517 adam);
- otynmen qamtamasyz etýge – 286,5 mln teńge (10,5 myń adam);;
- jalpy paidalanymdaǵy kólikte jeńildikpen jol júrýge – 878,0 mln. teńge (8 myń adam);
- kómektiń basqa túrlerine – 2 mlrd 667,8 mln teńge (182,5 myń adam).
Odan bólek, atalǵan vedomstvonyń málimetinshe, búgin elimizde qarttar kúnine orai ailyq bastaldy.
Onyń aiasynda, barlyq óńirlerde aǵa býyn ókilderin áleýmettik qoldaýǵa baǵyttalǵan is-sharalar, eńbek ujymdarymen kezdesý, emhanalarda «Ashyq esik» kúnderin uiymdastyrý taǵy sol siiaqty sharalar ótkiziledi.
