«Snow leopard foundation» halyqaralyq qory Qazaqstandaǵy alǵashqy qar barystaryn saqtaý, ońaltý jáne ósirý ortalyǵyn qurýǵa Resei, Qytai men Qyrǵyzstannan mamandardy tartýǵa nietti. Bul týraly qordyń baspasóz qyzmeti málim etti, dep habarlaidy QazAqparat.
Atalǵan ortalyq Almatydaǵy Ile-Alataý ulttyq parkinde jumys isteitin bolady. Qazirgi ýaqytta Qor men Ulttyq park arasynda ǵylymi qyzmet týraly shartqa qol qoiylǵan. Ortalyqty qurý jobasy BUUDB, IýNEP, sondai-aq dúniejúzilik jabaiy tabiǵat qorynyń (WWF) qatysýymen júzege asyrylady.
«Snow leopard foundation» Qazaqstan aýmaǵynda ortalyqty qurýǵa qatysýǵa tartý maqsatynda kavkaz qabylany men amýr jolbarysynyń popýliatsiiasyn saqtaý jáne ulǵaitý isinde tájiribesi bar Resei tarapymen kelissózder júrgizdi.
«Qytai tarapynyń yqtimal qatysýyna keletin bolsaq, Qor belgili metsenat jáne filantrop Djek Ma qorymen yntymaqtastyqty talqylaýǵa nietti. Qytailyq áriptesterge birlesken jumys perspektivalaryn odan ári talqylaý úshin qar barystaryn saqtaý jáne ósirý ortalyǵy boiynsha prezentatsiia joldandy», - delingen habarlamada.
Ortalyqtyń jumysy qar barystaryn zertteý boiynsha alǵashqy ǵylymi zerthana qurýdy kózdeidi.Zerthanada ǵalymdar úshin arnaiy ázirlenetin qosymshalary bar jeke derekter qory bolady. Bul Qazaqstandaǵy qar barystarynyń ekojúiesin esepke alý jáne zertteý nátijelerin júielendirýge múmkindik beredi. Dúniejúzilik jabaiy tabiǵat qory bul baǵyttaǵy seriktes bolmaq. Búgingi kúni Talǵar shyńynyń mańaiynda 3 000 metr biiktikte 90-nan astam fototuzaq ornatylyp, «Altyn Emel» saiabaǵynda jáne taǵy basqa 23 qar barysyna ID tólqujattar taǵaiyndaldy.
Ǵalymdardyń baǵalaýynsha, qazirgi ýaqytta Qazaqstandy 130-ǵa jýyq qar barysy mekendeidi. Qordyń maqsaty - aldaǵy 10 jylda onyń sanyn kóbeitý. Budan buryn málimdelgendei, osydan 3 apta buryn Qor jáne zoologiia institýtynyń ǵalymdary Almaty oblysynyń «Altyn Emel» ulttyq parkinde qar barystary bar jańa ortasyn tirkedi. Buǵan deiin osy ulttyq parkte qar barysy bolmady. Olar 20 ǵasyrdyń 50-shi jyldarynda KSRO kezinde-aq joiylǵan bolatyn.
